好耐冇打日記lu~~唔係冇野打就係唔記得左打，而家番黎打下先~

尋晚(今朝?!)睇波，睇完個12碼我就冇咩心機睇，因為都知法國嬴梗，睇睇下我仲訓埋添......最後都不出我所料，1比0搞掂，今次世盃d比數都好少，成日開細，好似冇咁好睇......星期日決賽我唔知睇唔睇到呢，岩岩出camp，實好鬼累......希望我頂得住。

10點幾被美楠個電話嘈醒左，佢話要去柴灣interview，想我陪佢去，咁我咪訓多陣之後同佢去囉。佢in果科係讀pe既，上年都陪佢in過一次，呢科淨係柴灣有得讀，好遠......送左佢去之後我就去左杏花村個商場行街，呢個商場幾好，算係幾靚，地下果層仲要係羅馬式設計，好多cafe同餐廳，係一個傾計既好地方，唯獨有兩個可惜既地方，一係比較細，得id:c咁上下大，二係離我太遠la......柴灣......

佢in完黎搵我，本來我都想同佢係果度食下野，不過佢話要就住我個荷包，加上果陣都已經4點，下午茶食我地兩個唔飽，最後都係去番m記搞掂......(kfc個仆x好唔掂，真係想媽叉佢~)

之後因為一個小誤會我地去左中港行左個轉，我到而家都唔係好知點解......之後佢要練波，送埋佢去沙田我就番屯門la。

今日有架貨車撞左置樂條橋，睇新聞見到條橋有裂痕，d警察即刻唔比人行果條橋，本來朝早見到都諗住淨係會少左條橋行，點知咁快就影響到我......係沙田番黎果陣塞晒車......好彩只係塞左一陣，希望快d整好條橋la，大家都方便~~