而家係朝早10點半.....我已經去完camp la......一個我唔係咁滿意既camp......

尋日5點先去到我地既營地------粉嶺鶴藪，一個我聽左好耐但係冇黎過既地方，不過我諗我以後都唔會再去......起碼唔會係夏天去，點解?你一間就知......跳咁d唔講，講下夜晚bbq先，因為附近都冇街燈，所以基本上係咩都睇唔到ga，好彩都有個月光照住下，不過都係唔夠的......之後係我搵丸叉黎燒既時候，居然發現有隻小強同我爭食，成包丸即刻被我掉左去9丈幾遠，真係被佢嚇死，之前我仲食左過十粒丸添，呢次大煲la......

講番一路係個camp度都有既問題，超多蛇虫鼠蟻，真係有齊"蛇虫蟻"，差在搵唔到有老鼠......小強自然係虫la，周圍都係大自然，咁就更加有其他虫la......蟻呢家野呢......基本上我地一路都同過萬隻蟻一齊生活，到出camp果時d蟻都唔捨得我地，想跟埋我地走，我地其中一個人個袋仲被佢地侵占左......唯有報銷個袋la......蛇就仲驚，係個廁所則邊被我地發現左條蛇仔，雖然只係得手指尾粗幼，不過佢係青綠色的!!!!!!聽到以上既東東，都知我點解我唔會再去la......

所以第二朝我地一起身就即刻執野閃人，8點都未夠就離開營地，我去咁多次camp都冇咩試過......(上次梅窩果次係宿營唔算la......)番到黎我即刻消毒自己，而家消毒緊個袋同d衫......