呢個星期真係幾忙，到而家先有d時間又唔係好累，打番d日記先。

星期一......原本應該係悠閒的一日，係我打緊機既時候，我阿媽突然帶左班人番黎，我仲以為係佢d朋友or同事，見到其中一個人熟口熟面，諗左兩諗之後記得係樓下唔知邊間地產公司既地產經紀，再睇下另外d人，一老二中一幼，好明顯係一家人，咁我就知咩事la，係準租客黎睇樓。之前都一路有講話會咁做，不過見佢地"唔嗲唔吊"咁，諗住可能遲d先會實行，點知咁快就到。

攪左一大輪之後落實左，10月頭就會被間屋佢地，我地就搬番去舊屋。難得我自己有間房，住左年半多d就冇lu，好彩番到舊屋我都可以霸番間房^^又要好好規劃一下我間新房既設計la，而家第一樣野就係諗訓咩床，暫時諗到3個選擇，一.普通床(唔係咁上爬上爬落，同埋好想享受下訓係張床度打機既樂趣~_~v)，二.上格床(因為咁樣似乎比較善用空間......)，三.單人sofa床(呢個變化比較大，岩岩打打下日記先諗到的，再諗下先......)。大家有冇意見ar???被d提議黎ar，果間房係長方形既，六尺唔夠乘六呎多d=.=，幫手諗下la~~

夜晚去左燒街衣，因為今日係七月十四，燒野被阿爺阿麻。印象中好似好耐冇試過有呢d活動，唔知係我唔記得定係點呢，呢排d記性十分差=.=