今日係呃錢日。

今日番part-time幫手執倉，9點半到左旺角，去將d野由一間房搬去第二間房，上架。睇到間房咁多野，諗住呢次有排執la，點知11點就已經執左一大半，我同另一個人預計12點前可以攪掂，不過大家都唔想咁早收工，所以開始hea，做埋d做又得唔做又得既野，例如十分仔細咁撕左d貼起箱上面既紙，同埋幫每個箱寫入面有d咩......到左12點就去食飯，係大快樂食左餐沉默的午餐，同佢唔係好熟，冇咩野講......

番到去搬埋果幾十箱野，1點開始就冇野好做，我地決定hea......我搬左兩箱貨黎做床，享受左個好滿足既午睡......3點幾先起身，再睇下小說，4點收到電話，頂頭上司(唔同上次果個)話黎，我睇埋睇緊果個故事就企番起身，又做d無聊野，例如將一大袋衫拎出黎點，點到清清楚楚，連邊隻色邊隻碼有幾多件我都知......到4點9左右佢終於到，仲好似好滿意我地既表現......最後仲叫我聽日番沙田幫佢，不過得上晝，算la，搵鉉大晒，理得佢幾多。

走果陣5點，外面風和日麗，邊似打風ar，等我今朝仲係ok買左把縮骨遮，晒晒我d錢!!!!!!