繼續係上班日，康文署。(之前好似打左做"康民署"，錯左好耐添=.=...)

原本一朝早可以做完既野，我可能病病地又唔想咁快走，攪到好遲，最後迫到上司被多少少野我做到5點半，又呃佢錢lu......今日餐lunch好貴哦~~~~原本有d同我同級既同事叫我食飯，不過我上司開緊會未番，我咪做多陣先囉，點知個上司見到我仲未食飯，拉埋我出去食wo，我又唔好意思推，最後跟左去，中招了......去左間cafe食，d野都ok好食，不過我對食不嬲都冇咩要求ga la，都唔知同大快樂果d有咩分別，不過就食左我$50大元，好肉痛ar~~~~~

仲有段小插曲，因為我係同我上司同另外兩個人食，埋單果陣佢兩個叫我上司被wo，我上司又"look卡"，咁我咪以為佢請囉，一路行番康文署都唔覺唔覺，點知......番到office我坐埋部電腦做埋d野，背住左佢地，點知我聽到果兩個人被番錢佢wo，我心諗，死la......頭先又冇開口，而家開口我又唔知點講，唔被又好似好唔得......最後我臨走先提番呢件事，話被番錢佢，佢都係想收ga la，又扮晒野講左句"唔駛la"，講果陣個表情我完全feel到係"你試下唔被!?!?"，咁我緊係被左la，雖然好肉痛......

之後去左宜家搵靈感，影左d相，遲d po上黎被大家睇下la(又係呢句，其實我都唔識po，等我得閒d試下先)，仲係諗唔到點整好，慢慢再諗下先。之後去左muji，不過睇唔岩野，咁就好趕咁番屋企lu~~

係wo係wo，差d唔記得左，美楠果度攪掂la，佢下年會係二中讀中六，我收到消息果陣真係鬆晒，即刻sd mag被佢la，點知佢覆我話原來尋晚已經知，我即刻覆佢:知又唔話我知，你知唔知我擔心ga!?!?嬲左佢兩分鐘，又投入工作了......(消息是兩點多收到的)

夜晚搵laulau拎野，點知演變成我地兩個係佢樓下吹水，由11點幾吹到第二朝六點幾，真攪笑，我之後仲要interview......最後上佢度食左d野同睇左陣電視就番去準備，第日既野第日講，睇下篇la~