平時既我返工，早餐會係巴士上面攪掂，又平又可以善用時間，不過今日唔知點解想食燒賣，所以出左去尖咀先去ｓｅｖｅｎ買，燒賣牛肉加咖啡，２０大元，好耐冇食過咁好既早餐，原來我預計到ｄ野，所以食好ｄ．．．．．．

番到公司又係一個坐未，冇野好做，到個ｓａｌｅｓ返黎，叫左我過去，原來老細講低左，同我地４個小職員講，而家被兩個選擇我地，一係同佢簽約６個月，６個月內唔比走，人工要到時先調整；二係即刻走。我地４個即刻開左個緊急會議，討論左一輪，我地４個有左決定：同我一齊入黎果個同事決定走，其實佢都一早搵到第份工，聽講仲幾好添，祝佢工作順利；會計果位就決定留低，因為佢已經做左好多年，唔似我地仲要搵野學，呢度舒舒服服都幾岩佢，不過佢真係要同老細傾傾ｄ人工先得，而家佢做既野同人工唔係好成比例；ｃａｒｍａｎ就仲要諗下，老細都有加佢人工留佢，因為佢最熟手（雖然都只係做左一個月．．．），佢都走埋既之後ｄ人黎到就要從頭上手，不過睇個勢佢都係唔做既多；最後係我，我都決定左走，一黎６個月都係呢個價我唔係好接受到，二黎，果度真係冇野學，我見唔到我既前途，所以我決定左走。

同大家講聲對唔住，我還錢既時間可能又要耐ｄ　ｌａ．．．．．．我真係還唔晒住，你地邊個等錢洗既話我知ｌａ，我會盡快搵錢番黎ｇａ　ｌａ。

最後，星期六日一我會入ｃａｍｐ（一早應承左推唔到，我都唔想駛呢ｄ錢．．．．．．），大家要搵我都可以打比我既。