九月第一篇既日記，居然要到8號先打，呢排真係懶左打日記，不過我仲有睇大家d日記，只係自己懶得打姐......

總結下呢排既生活先，唔知點解，工作同娛樂場所分開左，自從冇做之前果份文員之後，有一個星期好得閒，得閒到用左一日時間整電話d野(主題ar，鈴聲ar，等等)，不過最後都只係執好晒電話入面d資料，同埋整左個鈴聲(hakuna matata，有冇人記得呢??我一讀出黎你地就知ga la，真係好正~)

呢個星期另外一個主要活動就係桌球，馬仔同阿康佢地終於忍受唔到置樂果邊d煙味，有一日話過黎我會所玩(就係我去完camp果日，應該係星期一)，玩過一次佢地就上癮lu，比多小小錢，就有咁好既環境同服務，真係唔錯~所以之後佢地差唔多日日都話黎，我亦同佢地玩左幾日。唔知點解呢，我要玩既時候總係冇人搵我工作，不過之後就有lu，康文署。

玩左一個星期，終於有d野做，可以搵番d錢，星期二番下晝，不過朝早et book左埸打波，咁我唯有趕d la。點知今次唔夠人，7個人打3個鐘，格外的累......仲要之前果晚唔多夠訓，打左一陣已經腰酸骨痛，好彩只係一陣，再打落好番好多。12點打完之後仲要趕頭趕命咁上左et度沖涼(唔該et同et細路=.=借左et細路對"密"，我會買番對比佢ga la)，之後又趕頭趕命咁去市中心果邊，坐車，上車食我係seven買既燒賣珍珍珠雞，得出一個結論:seven d珍珠雞唔係人食既......唔好食既都要食，因為我既午餐就係得咁多，好彩d燒賣完全冇令我失望。

呢日既工作主要都係執下d"重"野同出車，車左d野去旺角個倉，去到果陣d"失蕉"話部貨"li??"(應該點串呢，我真係醒唔起，大家明ga la~)整緊，如果我地早到3個字既就未開始整可以用，black luck~~好彩個正門都唔係好遠，不過就麻煩左d途人同係果度出入既人囉。最後係旺角收工，4點8個字，佢計我5點，唉~~趕頭趕命仲要做餐死先得3個鐘錢，扣埋食飯搭車......算吧，出黎做野個個都係咁ga la~

星期三又要做，今次去西貢，本來叫我自己11點到西貢，好彩改左10點半沙田，又唔駛比咁多搭車，又可以食多佢半個鐘，好事^^西貢倉，去過幾次，不過今次好大鑊，要將兩間房入面既野搬晒出廳，係房裝架，再搬番晒入去，仲要放埋d係沙田搬黎既野，最麻煩仲係個廳又被人擺晒好多野係度，搬d野出黎根本冇咩位擺，呢度放d果度放d，麻x煩~~

出車去到西貢果陣都差唔多12點半，所以搬左d野去個倉就食飯先。果度其實係西貢渡假營，我地去左果度既飯堂食(其實冇得揀，果度方圓十里都冇其他野食......)，d飯全部3x元，自問食得起，但係唔認為佢值果個價，最後食左個面，15元，加一蚊仲有野飲，算係咁，不過食落......佢居然唔用出前一丁而用福字e面，可惡~~~~食野既同時，對眼咁得閒當然要周圍望下，咁岩有大學黎攪camp，當然要搵下目標la，但係......成個飯堂咁多人，居然8成都係仔，剩低既都冇咩邊個得，呢間咩大學黎ga!!!!!!送錢叫我讀都唔制ar!!!

食完開工，兩個人搬左個幾鐘，終於叫做搬左大部份出黎，成間屋都已經冇咩位可以被人行......裝架d師傅同我老細先後黎到，因為d師傅要裝架，我地冇咩好做，3個人坐係度吹水(有個跟老細黎既，今朝都有一齊出車黎，不過佢又要番沙田運d野黎)，之後老細又話有兩箱野要運番沙田，叫左今朝同我一齊搬野出廳果個番去，之後裝完架我地剩低果兩個就搬番d野入房，換句話說，我搬足一日!!!!!!最後6點9走，老細真係要我地簽到6點9，0.25個鐘，我都未試過咁樣寫......

到今日la，冇野好寫，因為訓足一日，00:00-10:00，自己張床，10:00-13:00，出面sofa，一點左右個人終於清醒d，起身睇小說，用電話睇，你冇睇錯，係用電話睇，之前dl左d ebook，可以放入電話睇，本來我都只係諗住坐車睇，不過淨係拎住個電話訓係張床睇，真係好舒服，上癮la~~不過希望佢咁細既mon唔好攪到我近視加深la~睇到7點左右，我又頂唔住la，要訓la.....一訓就11點先起身，飯都冇食，唯有煮杯面，而家又肚餓la~落街買野食先~~而家係零晨3點多dd~^^~