細細個，爺爺女麻女麻成日叫我著多件衫，夜晚"come"多張被，以前總係覺得有d多餘，我自然識ga la~而家冇人提，尋晚就著住件背心，開大隻窗再唔"come"被，今日又傷風la.......帶住同水冇咩分別既鼻水番工，仲要好唔小心咁帶唔夠紙巾，未到lunch time就用晒......唯有一路做野一路"索"，超辛苦加核突.......

食左個貴而唔好食既lunch之後，即刻買番包紙巾同爽朗，番到公司好似d人吸毒咁，食粒爽朗可以頂住半個鐘唔流鼻水，好似食美沙同咁......唔講d咁核突既野la，今日成日冇咩做過粗重野，不過就做d煩夾悶既野，算la，唔提。咁冇野好講囉wo......

講下台灣先，番到黎睇新聞，今日玩圍城，成50萬人出黎反佢，佢居然仲可以面不改容咁收工番屋企......佢從來冇出黎正面回應過，佢面家究竟諗咩呢!?拖字訣!?定諗住人地奈佢唔何呢!?佢貪污呢d野，人人都知(其實在位者又有邊個唔貪ar!?只係人地冇你咁揚姐，你衰左la......)被我就冇面再坐係上面。唉，愈諗就愈多人既劣根性，貪、惡、奸、賤......數都數唔晒，不過歸根究底其實都只係一樣野︰自私。人為左自己既利益咩都做得出，真係唔係幾應該生存係呢個世界上。

借故又回答美楠既問題(雖然佢睇唔到)，如果要我信上帝，唔該先同我解釋左一個問題︰點解要創造人?神如果係無所不能既，應該知道人會係一種咩生物，唔應該創造。如果話係因為魔鬼既引誘，咁點解人會接受呢個引誘呢!?點解唔創造一種堅定到可以抗拒魔鬼既"人"呢?

今日突然有慼而發，算吧~~沖涼la，聽日仲要開工，天水圍見。