尋晚突然諗起laulau佢地星期四day off，而我又想打波，咁就開始約人la，過程唔打la，有人唔得閒，有人唔知醒咁la，最後得番3個人打︰我、et、映榮。

好耐都冇係青海打波，可惜係星期四，朝早冇咩人，我地三個唯有玩最無聊既射波遊戲，之後仲同個阿伯玩一打三，係我地三個輪住做一果個......後來映榮走左，因為要返工，我同et繼續，後尾有個小妹妹同佢姨姨經過，個小妹妹要玩波波，我地咪被個波佢玩左陣囉。

之後我同et玩到冇野好玩，居然做d最浪費體力既野，兩個人邊傳邊跑上籃，做左唔夠十轉我就冇晒氣......想死咁滯......睇黎真係要認真咁練下體能~~打到成12點，我地都冇晒力既時候，個小妹妹同佢姨姨買完餸番黎，又同個小妹妹係度玩，好可愛囉~~~最攪笑係個姨姨話要走，佢唔肯，呢d時候d大人多數都係話自己走唔理個細路，等個細路驚就跟住走ga la，點知......係個姨姨話走同行開左之後，個小妹妹做左個動作......舉高隻右手，手指一收一放......你地知咩意思la...我即刻笑到訓低左......諗番起都好笑，哈哈~~~~