以前星期六既慣常活動，一早起身去打波，不過因為大家愈來愈忙同埋怕熱既關係，已經好耐冇試過，今次終於可以，仲約到成10個人添~~(可惜最後都係得9個黎......可惡既阿康......)

全日鬥波~打左好多好多場，除左食野果一個鐘，0800到1330，差唔多冇停過，真係唔明點解自己有咁多精力，走果陣仲係因為大家唔得閒先走，如果唔係應該打到3點都仲有力打......今日又見到個小妹妹，真係好得意，攪到我有一刻諗過為左見多佢幾次而多d去青海打波，呵呵~~

打完波同左laulau去買錶，伯母生日，講聲生日快樂先~~睇錶既時候，突然諗起某小姐又就快生日，我又要諗爆頭同大出血......諗起佢上年生日既情況我就唔開心......上年送左銀包，今年諗緊送唔送錶好，見到有d一對對既錶賣，令我有點兒衝動，無奈價錢去到4位數字(兩隻加埋)，要出左糧先有錢......更無奈既係我既出糧日係佢生日之後果日......睇黎要做番d野......