星期二先打番星期日既日記，諗左一陣先醒番起做過d咩，呢排d記性真係愈來愈差，唉......唔得，好負面，正面d先，有冇計訓練下d記性ar???一間上網搵下先，不過可能打完篇日記就唔記得左，哈~~

12點幾被家姐嘈醒去飲茶，去左三聖，叫野食果陣，佢個mean寫左d咁既野:下午茶時間2:00-5:00(以結帳時間計)。咁我地就諗，咁我地食到兩點先埋單咁咪得囉，好正常姐下話!?咁我地咪好放心咁叫野食囉，一路食ar食ar，食到兩點之後，黎左個點心，個阿姐"給印"，紅色的......之前果d黑色的......我地開始覺得有d唔對路，到左埋單果陣先同個部長講，以下係我家姐同個部長既對話......:

家姐:個mean有句野話下午茶以埋單時間計個wo，而家張單好似有d出入wo。
部長:(理直氣壯)哦，你理解錯姐~~
家姐:下，我地好多個都係咁理解wo。

再講左d其他野之後，我家姐話:咁點可以寫得好d令人唔好理解錯呢?

部長:(x熟狗頭)研究緊，研究緊~~

我地好無奈咁埋單走人......

咁大家認為係邊個有問題ar??唔講la，諗起都興~