因為stephen強勢加盟我地destiny球隊，所以我地決定進行秘密特訓，所以我又打波la......星期四、星期六、星期一，我隔日就打波，真係太熱愛籃球la......不過話時話，星期四得幾個人打，反面特別累，星期六未打之前仲累過打完之後，星期一就完全唔覺得累，睇黎我可以做超人......

講番先，9點半打到11點左右就去食野，食完就散lu，之後我番左翠寧再射波(好少打波打咁少時間，唔夠喉~)，我去到果陣，一邊場有班小朋友係度鬥波，另一邊有3個人係度射波，咁我梗係唔恰靚仔la，射波吧la~~點知係度射果d都幾準下，見到人地有番咁上下，而我又著住destiny件波衫，梗係唔可以失威la，即時打醒精神，球球都好認真咁射，又被我打番出d水準wo，叫做準過平時咁la，原來有比較先有進步既，哈哈~~

射到咁上下，果班小朋友都走左大半，我呢邊果3個都走晒，成個埸得番我同埋有個肥仔係對面場，我見冇咩人咪練下上籃囉，做左d平時唔會做既動作，咁好彩又被我入到wo，可能就係因為咁，個小朋友居然過黎叫我教佢上籃......我唯有講d基本野la，跳高少少、隻手直少少、對準個細正方射......等等，不過小朋友都仲係初學者，都冇咩見佢入過，最後老豆電話到，我留低左句"練多d"就好不負責任咁走左lu~~希望冇誤人子弟la~~