因為stephen既加盟，令到我地多左個藉口打波，仲令我地打波既效果增加左唔少，因為練波成份大加，我覺得都幾有用，不過又真係累左d......

講番先，總共4個人打，4個都遲到...我最遲......一去到見到佢地同人鬥緊波，由我見到佢地到我行到埋去，我已經見到et同馬block左人三下la......stephen話冇氣，換左我上，咩都未做就鬥波，d上籃完全唔知做咩，隻波周圍飛......不過都係要練ga la，就算未熱身都冇理由咁唔掂，我要再練多d波先得~~你地ar，有波打一定要打比我ar，我再話唔得閒先算la，唔好預我唔得閒就唔打比我ar~

之後就做番d練波既野，一開始做都幾唔慣，仲有d累添，不過做落都唔錯，不過可以再做好d，下次再做~~再之後就玩100罰球，仲要有掌上壓做懲罰，air仲要扣5球，最後做左46下同射左120球......食完野番黎玩左陣，阿康個衰仔又黎埋，點解話佢衰仔呢......因為佢又唔教鬧鐘所以走左堂，都唔知係咪專登ga~~

之後見人打全埸，我地又咁岩5個咪跟下隊囉，係輕敵同唔係咁認真打既情況下，嬴得4分，最攪笑就係對面個阿叔打完仲要過黎話自己未食飯......算吧......之後我地又練番朝早d野，最後又係100球罰球，不過掌上壓既懲罰雙倍，最後我做左罪人，air左兩次......做左72下同射左110球，全身既肌肉都充滿乳酸......陪佢地食埋野就番屋企lu，沖完涼本來諗住用下電腦先，不過一訓係梳化就......大家知ga la~~