突然好想打字，唔係，應該係好想記低一d野，但係我又唔係好知係d咩黎......唔理la，以下只係我想打既野，可能冇意思都唔定......

今日同左kawa去食糖水(呢個名應該係第一次係我個blog出現)，傾左好多野，其實我既性格唔係特別鍾意講野既人，如果對方係果種完全唔鍾意講野既人，我同佢對住一定冇晒野講......好少情況可以兩個人傾極都有野傾，尤其女仔，睇黎我呢世人可以有個知己，哈~

岩岩睇完"x-man 3"(問阿康借)，好一個變種人既世界，不過睇黎創作果個人諗到太多既念頭，變種人既能力佢諗左好多出黎，只係電影既時間太短，令好多野都唔可以表達出黎。等我逐個講下先，呵呵~~真無聊~~

之前係預告片睇到果個有翼既男仔(叫住佢做"天使"先)，估唔到佢戲份咁少，仲要係一開始拍左佢細個既情況，一開始仲諗住佢會係主角之一，點知連配角都唔知算唔算得上。不過我睇到作者(或者係導演)既含意。天使其實係個有錢仔，佢爸爸可以算係個科學家，就係佢發明左呢一集既主角---解藥。我相信佢發明呢隻藥既主要推動力都係想比個仔變番做正常人，不過天使唔想，點解唔想我就唔係好知(天使既對白太少la......)，天使離開左。係最終大戰，爸爸被人掉落街，天使飛出黎救左佢。相信而家大家都知道個意思係咩la，我唔講la。

講下珍(靈鳥)先，今集最強既人，可以控制一切物質，可以侵入人地既思想，可以輕易地令一個人碎成粉末，甚至可以令雷射眼對眼d死光射唔到出黎。可惜，佢同時係一個精神病患者，精神分裂。呢個病唔係自然形成，係果個x博士(坐係輪椅果個光頭佬...)係廿年前用佢既異能將一個小妹妹分開為靈鳥同珍，珍既異能有限，不過心態正常；而靈鳥既異能就強到冇人有，就好似上面講咁，不過就心理變態，只有自己既慾望。其實我覺得光頭佬一開始就做錯左，佢係認為珍既能力太強，驚珍佢自己控制唔到，所以咁做黎壓制珍既力量。點解唔係好好咁教導佢控制自己既力量呢?聰明一世既光頭佬蠢左呢一次，害左太多既人，包括佢自己，唉~~

有個惡勢力既角色，異能係係個身度申d尖剌出黎(one-plece個女人......)，其實呢個人冇咩好講，只係想話異能人都有強有弱，佢既能力真係太低，都唔明磁力王點解會當佢係主力之一......

另一個惡勢力角色，識分身(火影既影分身......)，本來比人捉左，磁力王放左佢，收左做靚。本來見佢d能力幾得意，諗住應該有d野睇下la，點知最後只係用黎引開左普通人既軍隊，仲要連打都唔打下......失望~~

再一個惡勢力角色，女人，動作超快(超人特工隊個靚仔......)，仲識感應異能人既力量級數，係一部人形探測機......佢同暴風女神打左兩次，第一次打到暴風女嘔電咁滯，第二次係最終大戰，照計埋身肉搏好弱既暴風女應該都唔係唔夠打，但係唔知點解又突然間反應快左好多，最後仲電到果條女......唔知點講la~

唉，唔打la，打左咁多都唔知自己想點，得閒先再打la~