星期六，又係打波日，最好既就係夠齊人ar ma，成11個人，連馬仔細路都黎埋~~詳情唔講la，打波d野次次都差唔多ga la，不過今日自己打我未夠好(次次都係咁既......不過都正常既，夠好我去左打nba la~哈~)，不過就超累，多數都係因為打左場全埸既關係la，到後來一跳就feel到抽抽地......

之後同廷哥番左二中借野去camp，而家借野比以前麻煩左d，起碼都要正式寫番張紙話借左d咩，不過站番係旅部立場，咁係一件好事，任何野都正式番，唔好咁吊兒郎當，咁個旅團先可以發展得好。廷哥車左d野走先，而我就留低幫手做野，係累到差d抽筋既情況下幫手......好彩都唔駛我點勞動，只係幫手收番d竹，扎好佢咁，小問題。

最想講既係今年有兩個新既導師負責我地童軍，有一個完全冇童軍經驗，唔理佢住。另一個就好利害，玩左童軍三十幾年，之前係九龍區負責訓練領袖，好有經驗，同佢傾左一陣計已經學到唔少野，我睇到今年童軍會出現好既轉變，而我亦相信我會學到唔少野。而家唯一要驚既就係，唔知二中轉左校長之後，會唔會好似以前咁留唔到勁人，希望唔會la，我都希望二中愈來愈好既。