差不多四年前已經開始拍拖既我地，第四次過佢既生日，18歲既生日。記得我一年前仲諗緊，我可唔可以學一d小說、電影咁，係呢一日送上18份我精心準備既禮物呢??當時諗既時候第一樣野就係諗錢先，18份禮物要幾多錢先可以攪掂呢?當時冇點詳細諗過送d咩，定左個價係一千蚊，當時既我覺得一千蚊已經係一個好大既數字(其實而家都仲係，不過冇當時覺得咁大姐......)，應該可以攪掂晒la。而家諗番起，只好慨嘆自己當年既天真。呢一日終於都來臨，到左我發現呢一日就到既時候，我已經冇時間去準備18份禮物，唯有求其比個藉口自己，只係買番一份禮物咁多la。可能亦因為內心對呢件事有丁點兒既內疚，今年買既禮物特別貴重。
一番黎就過左阿jack度剪頭髮(真係要同阿jack講番聲唔好意思，約左時間我又一推再推，sorry~~~)，阿jack又轉左第間公司做，今次呢間細間d，不過服務等各方面都唔比以前差。我同阿jack又幾好傾wo，剪左個幾鐘，除左洗頭果d時間之外，都一路有野傾，感覺非常舒服~~唔講呢d，講番今日既主題先~
剪完過左市中心行個圈，食個tea，順便睇下夜晚食咩好，最後我決定左去red cafe。之後就番二中接壽星女，中途撞到桃桃放工，多謝你句生日快樂先^^。番到二中先知佢帶隊去左建生(應該話係睇波似d)，只好怪自己冇問清楚。去到果陣二中班手球隊仲打緊，我都知佢唔會走住，所以sd左個mag比佢就係出面等，好彩我電話有ebook小說睇，等左差唔多一個鐘都唔悶。
最後我地都係番市中心，照原定計劃去red cafe，中途只係加插左入馬會買左一條六合彩飛，呵呵，睇黎我呢個壞男朋友帶壞左我個乖乖女友，呵呵~~去到red cafe，搵左個比較靜既位置，坐低，叫野食，一切都係最自然既情況下發生，野食黎左，我地依然一樣好自然咁傾我地既野，我感覺到我地都唔覺得面前既野食重要，無論枱面上既係牛排定係雲吞面都係一樣。如果有個熟悉我既人企係則邊睇既，佢應該唔會搵到平時既我，但係我絕對係用我自己最自然既反應去做每一件事，可能真係係情人面前會變左第個樣la。
臨走我送上左份禮物，黑鋼手錶一隻。當然我手上都有一隻la，算係我呢世仔買過最貴既野，不過都冇咩特別，唔值得講。自問真係諗唔到d咩有心思既禮物，唉，呢d野我真係唔叻，得閒搵人教下我。最後送埋佢番屋企，呢個平凡既誕生日就咁過去。
本來想po果兩隻錶d相上黎，點知個file大得滯，注定你地冇眼福，哈~
如果佢每日都有咁既時間同我一齊既，我真係唔介意做番一份5000蚊月薪既工，只要肯定我每日可以收到5點番黎同佢食飯，可惜，佢冇咁既時間......唉......所以我而家要努力搵錢，到佢畢業既時候我要佢唔駛做，只係做番佢有興趣既野，希望我可以做到。
| 
