尋日有人話我好耐冇打日記，唯有打下la~不過打咩好呢......我除左記得尋日既半身"坦遂"之外，好似對呢幾日d生活冇咩印象咁既......記性愈來愈差添~~唉~~~

呀~~我好記得la~~星期二終於有時間去拍下拖，諗諗下又差唔多成個月冇見佢，不過有時真係物以罕為貴既，我會珍惜我地係一齊既每一分鐘囉，希望佢同我有同樣既諗法la~~

又諗下星期三先.....好似出左去番part time，係ar係ar~記得la，今次係二家姐介紹的，入date，去到先知原來係幫美聯入，對住個mon成日，對到我都傻傻地......不過真係發覺自己打字好慢，食lunch之前先打得果二百個，另外有個女仔已經打左3百幾個...下晝食完飯仲慘，眼訓到死......所以都係打左200個，全日加埋先打得400個左右，我係請我果個就唔會再叫我番la......

呀~呢日仲有樣野，本來上公司之前咩事都冇，唔知點解上到去開始"打噴嚏"流鼻水，收工果陣仲辛苦，完全feel到自己發燒，頭又痛wo，之後仲要上英文堂，其實真係想唔上，個人太辛苦la......不過出開黎就上埋la~不過又唔知點解，食完野一上堂個人就好番好多，仲同miss吹水吹得好開心，最後只係係睇英文電視果陣訓左陣，不過我起番身都睇得明wo~唔係d英文好左，係我d推理能力有番咁上下，淨睇畫面同表情都估到晒佢講咩，哈~講真，睇英文片唔係冇用，不過我真係唔夠生字睇，就算佢有英文字幕我都唔係好明，下次同miss講下先~~

到星期四......唔係，講埋星期三晚先，番到黎call一call廷哥，諗住叫佢星期四打波，點知佢話夜晚拎埋比佢順手係佢度訓，第日一齊去打波，即時執左個"打波袋"過去。去到當然係打機la，咁耐冇係佢度打機，都係star war好玩，玩到要玩d低b野，哈~~三點唔夠佢就訓左，我自己繼續打，不過真係夜la~d反應慢晒，打隻動作game打個大佬，打左成廿次有多都打唔嬴，嬲嬲地開個easy出黎怒斬發洩，呢排打動作game都係想發洩既多，現實生活實在多煩惱，既然現實冇咩機會發洩，唯有打機既時候發下la，如果唔咁做既我驚我會有一刻忍唔住而對住我既朋友發皮4，控制自己既心情比什麼都困難，呢句說話係我自己講既，我會經常記住佢。

星期四居然打唔到波，落雨，失望~~~原本好興奮ga ma~~拎左波衫咁耐都打唔到波~~~嗯??!!呢篇日記好似好長咁添，算，下次再打黎緊呢幾日既日記先打番先，收手~~