又好幾日冇打日記，而家係零晨4點半，不過都不值一提，反正對我黎講只係平常事~~

今日打日記只有一個原因，就係我今日突然醒起，原來黎緊既星期六就係我地去camp既大日子!!!期待左咁耐，突然之間發現已經係眼前，真係有點莫名既興奮，興奮之餘仲要諗下有d咩要帶，都係時候諗下，大家都要快d著手準備一下，帶少左野or帶唔夠野都唔好，大家諗諗佢la。

仲有，男子組既各位留意，我地要係呢幾日決定買唔買番個波入camp，而家我地所有既波入面，應該係個3000最靚ga la，已經有"一點點"殘la~大家諗下駛唔駛買la，買都係每人幾十姐，買la買la~~呵呵~~(認真番講番兩句先，個人意思都係想買番個，畢竟我地今次要練3次total9個鐘波，可以用既波已經唔多，比較靚既就更加冇乜。我都知大家呢排已經大出血，冇咩錢，不過大家考慮下la~)

最近又玩番魔力，最大既原因係因為今次玩大陸私服，唔駛錢。玩番兩日已經開始有點沉迷，搵番工之後應該會好d卦~~最慘係佢個程式同我個msn撞左，要打魔力就on唔到msn，所以呢排可能會見我好少on msn，有咩就直接打比我la，電話幾時都聽，只要我聽到......

好期待入camp同練波~~~聽日訓醒睇下有冇時間去打下先，反正廷哥放假有人陪~~