對上一篇日記，1月25日......兩個月既時間，就咁過左，係我身上有留下就d咩痕跡呢!?呢一刻真係諗唔到，因為我發覺我既生活同兩個月前冇咩分別，甚至同半年前都冇咩分別，都係得閒番下康文署，幫下二中班童軍，打下波，打下機咁。其實呢d真係我想要既生活，悠悠閒閒咁過，自己想點就點，咁我就最舒服。

不過，其實有邊個唔想咁過自己既生活ar!?又有幾多人可以做到呢!?我而家又係咪真係可以想點就點呢!?今日去atm拎錢，只係可以拎得一張出黎，雖然話仲有幾日出糧，但係點解每個月到左月尾都會有拎唔到錢既情況出現呢!?試諗下，一個一個月番得10日工左右既人，有20日去洗錢，而番工果10日就更加要洗錢，咁又何來有錢剩呢???

我又諗，如果我而家出去搵份長工做，學歷經驗咩都冇，當我叻仔可以搵到6000蚊個月，但係我要付出22日(5日半x4)，平均每日300都唔夠，當我再叻仔d做左一年有8800蚊個月，400蚊日，我而家番康文署做10個鐘都有la。當然，我知條數唔係咁計，不過一諗到咁，我又真係......

再諗，當五年之後大家都出黎做野，而家讀緊ive既自然會有自己既專長，已經做緊野既就更加應該已經去到另外一個更高既職位，我呢!?唔通5年之後我仲係康文署既一個小小兼職人員，當我勁左可以一個月番到20日，每日當你8個鐘，差不多7000，再當我有d收69/h，8000好未!?我真係甘心!?雖然我唔係一個喜歡爭強好勝既人，但係見到成班朋友都比自己更有前途既時候，難道我能夠唔自卑嗎!?

一間再打，沖個涼先。

沖完，繼續。

沖涼果陣好冷靜咁諗左一陣，發現左一樣野，就係....................我想太多了，做左先算la。其實我又唔係一個咁唔諗後果既人，不過有時諗太多只會令自己搏手搏腳，唉.........講完前途，下次講下第d先~

ps.其實我係一個鍾意表達自己既人，你地應該都覺得我好鍾意講自己d野比人聽，其實，我仲需要d回應，希望大家睇完我d blog之後可以留句言，起碼都比我知道有人睇我打左咁耐既野ar，如果唔係真係冇咩心機打.......上次停左冇打其中一個原因都係因為咁.......