沖完涼等個頭乾，打下日記先。(聽朝7點半要起身......)

上一篇....一個月前既事，呢個月做過d咩?!前半個月唔記得，應該仲停留係果篇野所講既生活入面。都係講下上次d野先，三位老死，我有睇留言ga，不過果時心入面都係未有一個清晰既方向，所以唔想亦唔敢回應。呢一刻，唔可以話係冇方向，不過依然模糊。係咩事令我清晰左少少呢!?一個人，一個大家好耐冇見而尊重既人，余老師。一次巴士上既偶遇，一次關於小弟既詳談。內容係d咩我費事打la，好多好多其實都係我知道但已經遺忘既野，一一咁係我腦入面出現番，再同我現時既諗法相融合，產生一大堆新念頭，係d咩我都係唔打la，今晚時間唔多，下次再打番果d野出黎la，總知大家知道唔駛再點擔心我就得la。

後半個月，16號至30號，只係有兩日冇番工，一日係因為要比賽，另一日係因為太累，自己要求唔番。再加上而家一三五都要上堂，次次3個鐘咁滯，形成我好累既半個月。雖然換來不錯既人工，但係中間病了兩次，雖然只係小病，不過不停的鼻水實在有夠煩了~

其實呢半個月可謂多采多姿，可以寫上blog既野好多，不過一來太累，二來太懶，三黎冇咩心情，所以冇打。累同懶都唔需要解釋ga la，可以令我冇心情既得兩件事既姐，一件上面寫既事，另一件就當然係感情事。

自從情人節一役後(唔知既自己同d知情人士打聽la)，見面既時間多左，但係我唔覺得感情真係深左，我同佢之間依然存在唔少問題，價值觀，排位，宗教，時間，感情。究竟我同佢之間聯繫既果一點係邊度!?我唔擔心呢點係其他位置，唯獨一點，習慣。究竟我地之間係互相鍾意對方，定係習慣去同對方一齊呢?!借同一句係lcsd入面流傳已廣既不負責任口頭蟬︰我唔知~我唔理~！

我知道既係我而家隨時都會拎佢同我身邊既女性朋友作比較，想像如果我身邊既係佢而唔係佢既時候會係點。當然，想像永遠都係美好既，但係我壓制唔到自己去想像，歸根究底係因為我有不滿，這正常嗎!?

心情依然煩躁，希望明天可以寄託於工作。

頭乾了，睡了。