好la~又係日記時間la~

話說尋晚係sofa訓著左，差d凍死我~12點左右起身第一時間去沖涼，舒服番好多，不過都係有小小病，不過唔嚴重，照舊自己攪掂，唔睇醫生。之後就一路係部電腦前面，打左一篇幾日記之後有d累，想休息一下就去左yahoo打牌，點知一下就打到5點，之後家姐就打黎叫我出去買阿爺回魂d野，咁就冇打到日記la=.=

去左友愛果邊買，行左好耐先買齊d野，join埋我老豆食d野就番屋企la。食完飯係度睇電視，電車男真係超好笑，唔知日本係咪真係咁既呢~之後就set好晒d野食係"木台"面，咁大家就入房訓la。

第二朝要去打波，所以7點左起左身，不過ar媽已經執好晒d野，話d野旭都冇旭過，睇黎阿爺冇番過黎，唉......不過我就發左個夢，見到阿爺番生，果位"牛頭"先生仲坐左係度，食住飛煙咁解釋係咩事，不過我都冇聽到就醒左lu，睇黎我真係睇得太多科幻小說......

一早就起身出去食早餐，因為今日要去攪埋阿爺出殯既事。去到殯儀館攪左一輪，就起程去荃灣個墳埸。係架24座上面(book黎車d人去墳埸)，我完全冇心情，一句說話都冇講過。去到墳埸，阿爺終於都入土為安，大家亦都送左阿爺最後一程。番到黎屯門攪埋d儀式，就落左去海福軒食飯，大家既心情都已經冇咩野，有講有笑。食完番屋企，終於都攪掂晒，雖然我有種唔知點咁既感覺，不過阿爺都入土為安囉，咁就算la，唔好諗佢la。好......

(閱讀全文)

早兩日都好夜先番到屋企，冇時間被我入ar媽房打日記，而家打番先~~

本身諗住早d去master cut剪頭髮ga，不過et佢地又話唱k，咁唯有睇下唱完夠唔夠時間剪la。我就遲左小小到，不過得都預左佢地會遲，所以我其實係o岩o岩好囉 。一如既往，桃桃又遲大到，所以我地冇等佢就開左房先la 。neway d野真係愈來愈唔好食，我食左一半就食唔落囉~~吹水唱k吹水唱k吹水唱k吹水唱k吹水唱k吹......

(閱讀全文)