今天看了以前打過的愛情的小說，很有回憶的味道，非常懷念呢..
想起四年前，她逼我打一篇我和她開始的文章，一篇篇的累積下來，成為了我現在美好的回憶∼
她，已經在遠方了。
這小說已成回憶。
沒有天長地久，只在乎曾經擁有。
謝謝你愛過我。
我唔介意同大家分享下:)
－－－－－－－－－－－－－－－－－－－－－－－－－－－－－－－－－－－－－－－－－－－
說實人時常失去很多美好的東西與及時機，而我亦錯失了很多的時機，但這些
並不重要，而最令我感到遺憾的是失去了應有的方向感。
她的出現使我迷亂；她的出現令我失去自我!
我剛認識她既時候係中二時，係補習班相識，起初我對她的感覺係一見鍾情的，然而傻起來卻帶著幾分可愛，真係十分可愛>3<'。
點知就係如此既一眼就不經意地令愛情的種子萌芽起來了!^_^
記得果一日，我阿爸因為我的成績唔理想，逼我去補習班補習，起初我非常唔滿意去呢種地方．．
因為我本身係唔鍾意讀書既人，所以我阿爸找阿蔡去我先去。(阿蔡係我小學的好朋友，由細玩到大既兄弟)。
係我第一日補習既日子，當我地入去補習班既時候，阿蔡第一眼就係望美女^0^，
佢份人好鍾意留意美女咁，而我呢？都有少少望XD^0^
我的眼睛好似在專注一個女仔，見到一個好靚、好清純既女仔。(當時我有少少衝動走去識佢!)
整體來講，呢度那些朋友都很熱情，當我唔明白既地方，佢地都會好好咁教我，我感到相當快樂、幸福！
為什麼？因為我坐在那個女孩既背後啊！一想到每一天都能默默看著她的背影，近距離的望著她，不感到幸福才怪呢！
哈哈，會感到我很傻嗎？我十分認同，因為每一個人面對愛情時都是那麼傻的。
第2篇聽日先打~thzzz^_^
-------------------------------------------------------
電話響∼
我：<喂…點樣！>
阿蔡：<阿威，今個星期六出來啦，有好野比你睇！＞
我：<?……>
阿蔡：<?咩野啦…睇你都無人約啦！>
我：<=.=>
阿蔡：<唔理你呀∼星期六一定要出。>
我：<咁算啦…照出啦！>
星期六既約會來得突然！有Ｄ古怪…
我約左好沙田一間食日本野既餐廳！我一入到去，阿蔡已經搵定位，
竟然身邊多左個女仔？
阿蔡：<喂…依度呀！>
我：<HELLO~>
阿蔡：<介紹你識…呢個我女朋友>
我：＜?∼∼∼∼你咁既樣都溝到女？（細聲說）＞
阿蔡：＜唔好咁誇張啦，約你出黎比你睇下我條女架。＞
我：＜=.=＞
我心諗阿蔡咁細個就拍拖，唔會影響成績咩？我睇死佢唔夠幾耐就會散=.=(狠毒地說)不過兩個人一到情投意合時，好多野都控制唔到！
我地就咁見左兩個鐘頭，一邊食飯、一邊吹水。氣氛都好開心。
當道別後，我內心好矛盾∼一方面好開心係阿蔡拍拖、另一方面
唔開心，我仍然係單身，連自己鍾意既人、動心既人都沒認識她。
我整個人係一個悶悶不樂既心情下去搭小巴返大圍。
當車去到新翠時，我突然忘了有什麼要去買∼
我落車後，到百佳買野，正當我入門口既時候。
突然間落好大雨，我好好彩有帶雨傘。買完野出黎後，突然見到我在補習班個女仔．．
當時佢係度望住個天，我企係一個角落留意?佢好耐，原來佢冇帶雨傘，企係度等雨停。
我係度諗？好唔好問下佢要唔要”姐”佢呢？
但係我亦好怕，因為我同佢只係補習班見過面．．又唔識你，洗乜你咁好心。
內心真係極其爭扎。結果，我深吸一下…同自己既講：算吧啦…
咁我就行出去同一個門口，但係雨勢好大，無停過。
我打開左雨傘，忍唔住鼓起左最大既勇氣同佢講。
我：<咁岩既，我係補習班戈個啊！>
她：<咦．．點解你係度既？>
我：<我住呢邊嘛。你又點解係度既？>
她：<我去朋友屋企玩，點知走時落大雨！>
我：<不如我"姐"埋你啦？>
她：<?…我諗唔洗啦！>（佢望一望天）
我：<我睇來場雨都會有排落，你咁等唔係辦法，我"姐"你過7-11買把雨傘啦>
她：<咁好啦…唔該你呀>
我從來無諗過自己咁大膽呀？竟然咁有勇氣同佢講，係出自一份好心呢？
自己心裡有數？沿途我都唔敢同個女仔傾計，只係低頭咁慢慢行到7-11。
咁我想開始正式認識她，問下佢咩名．．
我：<係wo，你叫咩名呀？>
她：<xx婷，你呢？>
我：<xx威，到啦>
她：<唔該晒你…＞
我：<唔洗…我走先啦…ＢＹＥ！>
就咁…我同佢就道別左，依一個女仔，係我第一個一見鍾情既人。
---------------------------------------------------------
自從個次之後，我的心開始已經喜歡左佢．．
我就成日都去補習班，我見到佢都會坐埋去同佢一齊補習，
佢又冇唔高興之類既面色，反而好開心∼
開心有人陪佢，唔駛補習得自己一個人
我同佢都幾多野講，仲傾得好開心，我好少同女仔傾得咁開心（除左tanki外xD)
慢慢我地開始我地好快就交換左電話同msn
(不過msn都冇點用過，因為成日見住…但係有時我開msn，都冇見佢online)
因為成日見，我成日都將我既事講俾佢聽，佢係一個好好既聽眾，
通常都係我好多野講，佢就講好少野（我雖然講野唔好．．我睇得出佢好有心機，細心聽我講，
不過我見佢都幾enjoy聽我講野，有時佢都會聽到哈哈大笑，
我見到佢笑，我都會覺得好sweet，
我有d覺得我可能為左哄佢開心而不斷講野XD
（我係學校好少講野，因為自從果次車禍之後對我好大既陰影．．）
由於阿蔡同TANKI係我最信任既人，而我又想聽下佢有d咩意見
之後我將呢排事講左比阿蔡同TANKI聽
我講得出，就預左俾佢笑…出奇地，佢地冇大笑
反而叫我努力，加油，仲教我溝女攻略-.-'真係好多謝佢地呢^0^
之後我不過亦都因為咁，每晚送佢返屋企既任務就交?俾我XD
原因係，夜媽媽一個女仔危險…補習班每晚都係8點完。
就咁樣大家亦都開始了解對方係一個咩人
大家可能覺得我唔應該係呢個時候追佢，驚我搞到連成績都唔顧
但係，當我自從見到佢之後，我就同自己講，
如果我有機會做佢男朋友，我一完要好好把握，因為我既條件真係一般
我唔靚仔，又矮，讀書又唔係好勁，最多只係有d小聰明
識到佢，可能就係上天俾我既一個機會，叫我要珍惜
所以我唔可以放棄
佢讀緊香港間國際音樂學校，係一間好叻同精通音樂既中學
為左佢，為左配合佢，我不斷努力去讀書，改變自己。
我就日日去圖書館同練鋼琴和結他，借一些關於學習英語既書（我英文好差-.-")
返學就好專心聽書，放學返到屋企冇打機，反而溫返今日講既課本
因為咁樣我家姐以為我中左邪
家姐：<阿威，你今日咁乖溫書啊？>
我：<咩啊，唔比-.-？>
之後家姐講左我既事比阿爸阿媽聽，
阿爸阿媽真係以為我真係咁上進，咁勤力。
當然我唔係淨係掛住追女仔，我都有努力，希望可以同佢轉去同一間中學
所以我並唔係係度定坐唔做野，依家小婷就變成我既主要動力
知道內情(我鐘意小婷)既就只有我既死黨同知己。
當我同阿蔡一齊入黎補習班，
我坐左小婷隔離之後，阿蔡就會自動自覺坐去其他地方，
得返我地兩個
最初小婷覺得奇怪，但係冇問，直至
有一次小婷終於都問：<點解你個死黨做咩唔同我地坐既>
我居然口快快咁答左佢：<我唔想佢阻住我地囉！>
我見到小婷有d面紅，我望佢個陣佢居然dup低頭唔望我扮做野，
不過我又睇唔到佢有咩唔高興，個咀好似有ｄ笑，所以我有d開心~
不過我一直唔敢同佢講我鐘意佢，就算要講都等到考完試先啦…
-----------------------------------------------------------------------------------------
我同佢都識左三個月啦∼有一日，小婷知道我個鎖匙扣比人整爛左，
所以佢送左一條刻有台灣兩個大字同有錢幣既鎖鏈扣比我
雖然我唔係咁鐘意古舊既鎖匙扣，不過係佢送既，就唔同
婷:<鍾唔鐘意條鎖鏈扣呀？>
我冇答佢，不過我即刻穿左落我隻袋度，
跟住係佢面前仰左幾下XD
個日阿蔡都係度，多事既佢對住小婷講左一句說話
阿蔡:<你送咩俾佢都鐘意架啦>
呢句說話，搞到我有d尷尬，都唔知佢係咪特登XD
之後我就諗，佢送左條鎖匙扣俾我，我係咪應該送返d野比佢呢？
不過我唔知女仔鐘意咩野，更加唔知小婷鐘意咩野，所以我走去問TANKI
我：<TANKI啊，佢送左個鎖鏈扣比我，我應該送返Ｄ咩野比佢？>
TANKI：<女仔比較喜歡d有心思既野，又或者係d浪漫既野>
我：<姐係點ar-.-">
TANKI：<拎一個靚靚地既箱仔，買好多不同既糖or朱古力，
可以買一個佢喜愛的毛公仔或者精品放在最底...等佢食完d糖有個驚喜∼-V-'>
咁我諗諗下又幾好．．答返佢
我：<好啊，多謝妳^0^搵日出黎一齊買ar。>
TANKI：<好^^>
於是我同TANKI出旺角買左個好靚既箱仔，一隻都幾細隻既暴力熊XD∼
直到有一日，我係阿蔡身上學左個魔術，於是
我去到補習班，鼓起勇氣將這份禮物送比佢。
我：<婷，我想表演個魔術你睇XD>
婷：<好呀，你唔好又玩我？>
我：<唔會，你睇住^0^>
我就做左個魔術比佢睇，份禮物就落左佢個書包．．雖然成個過程都比佢發現破綻-.-
但佢都扮好驚訝．．有點傻?XD佢冇諗過我會送番樣野比佢
我就叫佢打開黎睇下，咁佢好小心咁拆開盒上既絲帶，見到好多糖XD
佢就話：<咩咁大個盒將咁細粒既糖，你都幾誇張WO-.-'>
我一聲不發地望著佢既眼神，等佢發現盒入面既暗格∼
佢就發現左暗格，見到有隻好可愛既暴力熊，佢刻哇一聲，之後全個補習班Ｄ人視線望哂過黎
當時我真係比佢嚇左下，佢刻面紅咁同我講：<咩你幾時變左咁浪漫XD>
當佢知道我送左隻熊仔比佢，佢話好開心。
睇黎我既心思冇白費^_^
婷：<D糖好好味，你都試下啦，橫惦我都食唔哂。>
我見佢食得咁開心，我都覺得開心。
呢晚我一路做功課一路食糖
心甜口甜XD
可惜，快樂既時光很快過去了
係呢個時候我既暗瘡不繼長出黎=.=可能太夜訓既關係
直到而家我早訓都冇用．．大家唔早訓既後果就好似我咁Ｔ﹏Ｔ
呢個係我到而家最大既煩惱，就算消失左又留低個印係度，每次見她我都好唔自然．．
覺得自己配唔起佢，心中出現左好多煩惱，連在學校我都沒精打采
有時我會諗：＜這麼醜陋的我怎配起咁令既女仔？直情係美女配野獸＞
當我考完試了，成績好滿意．．考到頭二十名，呢Ｄ都係小婷比我既動力
而補習班既堂就完結了．．
阿蔡佢見到我咁，了解左我既問題，佢叫我唔好放棄同比左個意見我，
所以佢叫我不如問下小婷睇下佢到底有冇男朋友啦
我一直鼓唔起勇氣問佢，因為我覺得只要我一日唔問，
一日都仲可以留係佢身邊…不過我知道咩叫做長痛不如短痛，
所以我下定決心問個明白…
咁我約左小婷補習班完左之後去食野
開始個陣我係咁亂UP野，希望咁樣到我入正題時唔會太尷尬
其實一路講大家都有講有笑，不過當我問到佢有冇男朋友既時候，
佢面上既笑容冇左大半，雖然都仲係微笑緊，不過個氣氛同頭先完全唔同哂
我想個氣氛輕鬆d，所以我用半開玩笑既語氣咁同佢講
我 : 做咩呀？係咪唔講得笑先？我只係好奇你咁靚女應該好多人追，八下睇下你有冇男朋友咋嘛
佢沉默左一陣，然後笑笑口咁話
婷:<我返到去同你sms講．．>
呢刻我發覺佢好似有Ｄ唔想比我知既秘密．．唔想講出黎咁
咁我搭火車送到佢鐵閂戈度，返到屋企沖涼等佢消息
當我收到佢第一封SMS，我就好緊張咁睇下．．
睇完佢呢封SMS，我知道左佢好多野．．
原黎佢之前有一個BF，早前分左手，但最近好似追返佢
睇完呢Ｄ野，我冇再覆佢，我發覺我面上表情好似梗左，做唔到任何表情，任何反應
唔知點解，我覺得個心好酸，好難受，個心又好似滴緊血咁，
又有Ｄ野壓住壓住，好唔舒服
呢Ｄ又好似唔係叫失戀，因為我同佢好似從來都冇開始過…
我又開始諗，佢條仔追返佢，咁我要企係度做人電燈泡？
加上我配唔起佢，人地咁令女當然配令仔架啦！
所以我決定放棄佢．．唔再搵佢，唔會再返補習班！
第二日返學，順同老姜（中學同學）佢地見到我個貓樣(唔夠訓既樣)
佢地問我咩事，我冇答佢地，仲係咁比人打．．
順叫我唔好諗咁多，飛左佢算．．佢完全唔知咩事=.=９UP
我忽然覺得，原來有朋友係咁好^^，起碼佢地可以俾到我少少安慰
小婷呢幾日係咁打比我．．我忍痛冇聽佢電話
但佢SMS我就有睇．．
佢SMS寫住：<呢排發生咩事？點解咁耐都唔搵我？做咩唔返補習班？>
係呢幾日不斷收到呢ＤSMS同電話，
但我已經決心離開佢．．要做就做絕Ｄ
放學諗住狂打乒乓球忘記我同佢既野．．
就咁我打傷左右手，好痛好痛好痛．．
由呢日開始，我唔再去補習班，我返學好似定係識訓教同玩
完全冇讀書．．下午3點幾4點就返屋企…唔係就去打波，
而唔會再見到小婷…因為我唔想做人第三者
我都唔知我仲鐘唔鐘意佢，淨係知道我見到佢就會好唔舒服，
我知其實唔關佢事，係我自己既問題…當我以為開始稍稍打動到佢既時候，
我就覺得我所做既努力全部都係白費…我不由得有點心灰意冷…
呢排我開始煲神鵰俠侶，點解過兒同小龍女經過離離合合都不離不散？
經過一個月，阿蔡就打黎，我好耐冇搵佢．．
我：<喂，好耐冇傾 呢排點ar?>
阿蔡：<你條女無啦啦打黎丫>
我：<下...？我冇女啵>
阿蔡：<果個xx婷呀，你做咩唔聽佢電話？>
我：<唔好提啦．．>
之後我就收左電
阿蔡以為我同佢吵架，我冇同佢講．．我將呢件事講左比TANKI聽
佢都唔係好支持我既決定咁．．
就講：<人地女仔黎，你咁蝦人唔岩架！人地成日打比你，你係唔係應該比返Ｄ風度出黎？>
我就咁講冇望啦....
不過好多謝TANKI同我講心事，佢係學校好似好多人追佢，但唔知點解我對佢冇feel呢XD因為我知佢太多衰野^0^
直至經過三個月了，我一直冇搵佢，佢都冇搵我，我過著好平淡的生活．．
日日唔係打機打波就訓教，完全冇哂動力去溫書，成績明顯差左好多，老師都罵我咩事．．
有一日，小婷打黎左一個電話，我諗緊：<聽唔聽呢？都四個月沒找佢了？>
於是，我最後都係聽佢電話∼畢竟聚下舊，唔洗做到咁絕，但我諗唔到有咩可以同佢講．．
我：<喂~hallo>
婷：< (把聲好開心)xx威，好掛住你，你終於聽我電話啦！點解你之前唔聽我電話既?>
我：<(講大話)我學校忙嘛...>
婷：<(佢開始有d急) 學校咁多野做連搵FD傾幾句既時間都冇?>
我：<係呀．．我諗過啦，我諗我地做唔到好朋友……或者，我地只可以做普通朋友>
婷：<(冇出聲左10幾秒..)點解呀？係咪我做錯左d乜野激嬲你呀？你話我知，我改丫…>
我：<其實都唔係完全關你事既，大部分問題都係我身上>
佢聽完我講之後靜左一陣間
婷:<(好似喊緊，佢好似知我講緊咩事．．) 你…可唔可以俾d時間我呀？>
當時o既我好決絕，都唔知點解會恨得下心
我：<俾d時間你？我唔明喎！其實我真係好多野都唔明、好多野都唔知架，尤
其是係你既野，雖然我從來都冇問，我唔問你係想尊重你，因為我覺得
以我同你既交情，幾乎乜野都可以講，但係我發覺原來我有好多野都唔知
，我唔問你都唔知你有男朋友…仲有你話你有好多朋友，
我個d你就見過哂啦，但係你一個fd我都未見過…你覺得做朋友係咁做架咩？
我唔知點面對你，所以我唔想阻住你地，唔想見到你！>
婷：<(好似喊左)對…對唔住呀…>連續講左幾次
我： <你都唔鐘意我，由頭到尾都係我犯賤，你唔需要同我道歉……
我唔想再同你講，由今日開始，我地見到就見啦…>
之後收左電，仲熄埋機添
好似將我D心事講哂出黎咁..講到我好似想喊咁，好彩我堅持得到
但我一下講咁多野，我可能講野唔好佢有Ｄ字聽唔明，希望佢聽唔到啦
--------------------------------------------------------------------------------------------
我又冇再搵佢，當時真係好衝動！
小婷之後點我就唔知．．
咁之後阿蔡就當左我地既傳話機
阿蔡一直講小婷好想同我講野，但我都冇彩佢
過左二個星期，我阿爸係之前收到中學時既老友的消息，話佢老婆去左
佢自己工作係加拿大唔行開得住，幾個月先返黎，香港又冇咩親戚朋友，
佢老婆去世左之後佢個女就係香港冇人照顧，咁佢最熟都係我阿爸
之後佢決定將佢個女交左比我阿爸。
當時，我唔知佢個女係邊個，但我覺得阿爸好開心咁，好似當左佢老友個女如同自己個女咁
但係我覺得有個女仔係屋企唔係好方便．．如果係豬既話．．我往後既日子米便加ｘｘ？(唔知咩感覺)
最後，我就決定走去問阿爸：<爸，係咪有女仔要黎我屋企住？>
爸：<係呀，佢同你一樣大添，仲有你要讓出你間房比佢>
我：<下！！！！！？點解呀？咁我訓邊度？>
爸：<去家姐間房訓囉，鬼叫我地屋企咁細，得三間房咩？你間房讓比人地仲好過>
我：<我死都唔制，點解唔拎家姐間房比人？人地女仔黎丫老豆=.=訓男仔房唔好意思>
爸：<家姐佢要趕功課！(佢讀緊大專，日日功課都好好好多~)，
你又冇事做，日日係屋企打機，仲唔專心讀書？而家叫你比間房人都咁難，唔好叫我比錢你洗>
(佢好似有Ｄ無理取鬧咁)嬲爆，至於呢件事既內情我知道的不多．．所以唔知打咩
於是，我求其拾Ｄ重要既野擺係家姐果間房度．．
過左幾日，個女仔就搬左黎我屋企，我心諗：<佢係點既樣呢？好靚？好豬？呢Ｄ問題出現左我心中既疑問．．>
我冇係學校同人提呢Ｄ野，費事比人話我是非啦．．
咁我放左學之後，唔想返屋企住，就同ＦＤ打下波∼
打完之後我準備返屋企，當我入屋既時候，突然有一個好熟悉的女仔係我面前經過，
呢個時候我的心好像快要跳左出黎，個心好似隱隱作痛咁，我一眼望落去原來佢係小婷黎！
我真係好驚訝，點解佢係我屋企出現？唔通我隻眼出現左咁嚴重既幻想？
之後我嚇一跳：<妳係.....??????點解妳係我屋企出現？>
佢：<(佢都嚇左一跳，唔知點形容佢好)下．．．呢度係你屋企？>
我：<未答我丫你點解係我屋企出現？>
佢：<叔叔叫我係度住住先．．>
我：<哦．．>
當時我真係諗唔到有Ｄ咩可以講，我已經全身不由自己，果種感覺冇得解釋．．
我立刻跑到我間房，鎖住個門，諗點解佢會係係係度，我同佢咁有緣份？
我接受唔到呢個事實．．？我唔係應該開心？種種疑問出現左我既煩惱中
另一方面我諗佢都比我嚇左一跳-0-'自從大家冇見四個月之後，大家係不知情況下撞到大家
突然係我屋企撞返佢，全港700萬人口，撞到自己中意既人，
仲要係自己屋企撞到佢，呢個機會率相等於比中六合彩更難
呢種感覺真係好難解釋，我永遠都唔會忘記呢一日8-2-2008
|
