今次,呢個camp真係我去過咁多個camp之中最辛苦的一個,去這camp都預左冇覺好訓架啦,但係就冇諗到會係直情冇得訓!!我同我組的男孩子們幾經辛苦地將帳篷搭好之後我都覺得好靚架個營~~之後就食晚飯,食完之後就係我期待已久的夜行~當我開頭聽見南sir話要行30分鐘,又話miss係路邊等我地我都信以為真, 但當我去到終點的時候才發現原來是他是騙我的!!!

第二日要早上6:00起床6:30要集合~對我黎講完全冇問題呀!!因為我全晚都冇訓過,唔係唔想訓而係冇得訓!!我搭出黎的那個營,比一個唔做野但係又要三嫌四既女同學大字型咁訓霸左半邊!!我同另外兩個男同學就真係唔知點樣入去訓好~~唯有係出面生左個火取暖, 好彩有個火係度咋如果唔係就真係凍死我啦!!!!!

步操係我放低左幾年既技能~~想唔到我居然仲記得點操~仲操得唔錯添!不過就係咁我地第一二組操左成2個鐘!!之後玩陷阱同一d合作性高既遊戲,我地玩到真係笑死人,搞到連madam都忍唔住笑埋出黎!!仲錄埋片添!不過,陷阱個度我同一眾男孩終於做到有小小忟,有個仲忍唔住出聲話個個唔做野但係又要三嫌四既女同學, 叫佢幫下手做野再唔係幫下手諗野~如果淨係做死個幾個係唔得架!!因為全程camp真係做得最多既都係男孩們,我唔出聲唔代表我唔忟,我都做到好不滿!下次唔要同佢同組呀!!!!!!!!做到我隻dog咁~