今朝去左拜山...好早就起左身。搭左都幾耐車下先出到柴灣。
之後去左食早餐..好正啊！！食完去買拜山d野...買左都幾多野啊...
買完要行一段攞命既斜坡,,,行左半個鍾倒終於去到爺爺既憤前,,,
都好耐冇去過喇...所以要扮下乖仔先得@@幫手清理爺爺既憤墓...
搞掂之後就點香喇...好難點啊，又大風啵。
最後都好成功。之後裝完比爺爺就就要係果一層既每一個憤都裝一支香...好煩耶/.\
拜完就燒衣紙喇。我阿媽拎唔實d陰屍紙，之後周圍飛，有一張飛左路佢塊面度，好搞笑。
不過點都要忍住唔笑。如果唔係一定會比人鬧。之後要幫手執番晒d陰屍紙囉，好無奈。
拜完爺爺又要行去第二個山度拜婆婆，好支力啊行到。
係果度好快搞掂，唔洗十分鐘。拜完就行番落山去搭車返柴灣地鐵站，好不幸既係又塞車...
塞左半個鐘終於到喇。之後就搭車去太和比賽。
去到都遲了。聽完大明講野之後就熱身，搞掂就開波喇。
有得踢正選，好開心！開波果時要握手，又祈禱，無奈。
o岩o岩開波果時有幾次機會，不過都唔入囉。
之後好多人都傷左，包括我在內。
我比人捉住左隻手，之後佢向上屈我隻手，另一個就好大力咁撞埋黎。
之後有一個仲要另番轉頭望住我笑囉。咁樣個球證都唔吹，係咪路啊！
最後我隻手都係屈傷左，好痛...之後都踢得好差...
完半場果時大明換左我出去，比Alex落。果時隻手都痛到唔知點咁。大明見到問我有冇野。
之後燒雞幫我按摩左一陣，之後冇咁痛喇。
下半場開波冇耐NC就入左波喇，好開心。另外有一球都差d入，不過可惜彈左去條柱度囉。
最後一比一個左，好唔開心啊/.\仲要好多人傷左，有唐聰，何豪等人。
沙循d人好矛lei啊！成日唔係推人就打人，又要係度串咀。唔夠人跑就推跌人，食屎大架？
完左比賽同何豪，唐聰去左沙田行。去meet Kai欣同Penny姐,,,
Kai欣成日都比我地三個圍串，好正XD..
行到6點幾就走lu...
Ps：
沙C們！我地下場要贏，一定要贏啊！！無論對方有幾矛都好，我地都要死頂！
何豪：小心d隻腳啊，好地冇左你呢個後衛唔得架！
NC：我知聽日係你生日，雖然今日場波輸左，比唔到你想要既生日禮物你...不過我地下次會補送番一份最好既生日禮物比你！就 係下場贏到基督！
沙C隊友們：sorry啊咁多位...今日我屈親隻手之後都踢得好差... | 
