2009 年 5 月 30 日 星期六  |
| 2009-05-30 | 分類: 日記 |
今日好唔開心..喊左好多次....有屋企..好似冇屋企甘..真係好辛苦
睇到d野..覺得唔錯..係到同你地分亨下@-@
《50個男生要女生知道的心事
《50個男生要女生知道的心事》
01）「喊」即是威脅我。
02）我唔會每秒鐘都掛住你，你要接受這事實。
03）我見到靚女一定會望，這是天生的。
04）我係鍾意 SEX 和有性幻想的。
05）不過胸太大或胸圍太硬都幾得人驚。
06）我唔講野唔等於我唔愛你。
07）你最好都有自己的目標和理想。
08）你著乜都好睇，真的（因為我未必有留意）！
09）唔好問我覺得你靚唔靚。
10）我對你用甚麼化妝，護膚品無興趣。
11）唔好迫我塗潤唇膏。
12）唔好期望我會在返工或上堂時間 CALL 或 SMS 你。
13）好多時答 YES 或 NO 就夠了。
14）「唔知呀，你話啦！」唔係答案。
15）如果你日日都因為 M 而情緒波動，唔該你去睇醫生。
16）如果我講ｄ野令你覺得有兩個解釋，其中一個會令你好傷心，我地其實係想表達另一個意思。
17）唔好無病呻吟，你最好相信《狼來了》的故事。
18）你一係就話俾我知你想我幫你做咩，或者點樣可以完成。唔好又叫我幫你做又要教我點做。
19）十二歲以下的女孩才有權扮 CUTIE。
20）可以的話，自己換麥當勞送的公仔。
21）手袋可唔可以唔掛「啷啷」，毛公仔？
22）可唔可以唔同我討論電視劇同 HELLO KITTY？
23）唔好叫我幫你挽手袋。
24）唔好批評我的兄弟老友。
25）大庭廣眾怕醜、唔出聲不叫斯文。
26）唔好成日話「我ｄ friend話咁咁咁」，你d friend 點諗，關我咩事。
27）盡量不要將我地拍拖的細節亳無保留地話俾你d friend 知。我都想有私隱權。
28）除左我，你還有其他興趣或嗜好嗎？
29）有無一樣運動你懂的呢？
30）你可以唔識打機，不過最好俾我打。
31）我唔使減肥，所以唔好阻止我食 JUNK FOOD。
32）唔好要求我做道明寺。
33）溫柔不等於依賴。
34）爽朗不等於無禮貌。
35）腌尖聲悶不等於高貴。
36）無主見不等於尊重我。
37）遲到不等於多人追。
38）你打扮得太誇同我去街我會驚。
39）不要偷偷在我的文件或功課上貼 CUTIE 貼紙。
40）雖然我未必睇到，但內衣最好光鮮乾淨。
41）最好不要日日作 OVERSIZE 的 HIP HOP 的打扮。
42）無必要不用穿得太性感。
43）是不是任何時候任何場合都需要化妝？
44）唔好三句唔埋又話要減肥。
45）不要在公眾場合怪叫或大驚小怪。
46）不要 CHECK 我電話的來電顯示。
47）我都會有女性朋友。
48）我唔想知你同你舊男友的事。
49）你都最好也不想知道我和我舊女友的事。
50）我想講 I LOVE U 的時候自然會同你講。
《50個女生要男生知道的心事》
01）我「喊」，無論是否你的錯，你都一定要哄我。
02）我都唔會每秒鐘都掛住你，大家咁話。
03）我見到靚仔都會望，這也是天生的。
04）我「哦」你都是因為我關心你和緊張你。
05）你唔使係有錢仔，但最好都有比較遠大的目標和理想，在未來有成為一個有錢佬的可能。
06）得閒既話可以接我放工 。
07）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
08）當我剪了兩吋頭髮打了少少眼影穿了對新鞋時希望你會留意到。
09）所有大時大節紀念日同生日，你必須全部都記得。最好諗埋點慶祝
10）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
11）當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
12）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
13）我鐘意你做人肉鬧鐘叫我起身 。
14）同我出街唔好遲到, 最好早到等我。
15）我 M 時係大哂，可以大條道理發脾氣，你最好一個月忍我幾日就哂我。
16）我會假設你懂得操控及修理任何電器，包括電腦相機電視機錄影機及HI-FI等等。
17）有很多事我並不是不懂得做，只是不想做就扮唔識。
18）每日去任何地方時都要 CALL 話比我知你位置及同邊個一齊，比我清楚哂你的行蹤。
19）同一個笑話同話題，可唔可以盡量唔講得多過廿次？
20）我發脾氣CUT你線，其實係想你即刻打番電話來再哄我。
21）如果迷路時，可唔可以快快趣趣向途人問路，唔好逞強拉住我走來走去行好多冤枉路？
22）我唔介意你有少少肚腩，但盡量唔好太肥，亦唔好比我瘦。
23）太大隻既肌肉型男人一D都唔MAN，係好驚。
24）我會好介意你有一Ｄ有不良嗜好的「兄弟老友」，認為佢地一定會帶壞你。我信你但信唔過佢地
25）在我的朋友面前，我希望你可以表現得比平時更錫我同緊張我。
26）我煮飯比你食時，你唔可以覺得係奉旨，一定要「話」好食同食曬。
27）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
28）你要欣賞我的工作。
29）大男人唔等於霸道。
30）同我出街唔准食煙 ,最好介煙 。
31）瀟洒唔等於無交帶。
32）放工返到屋企要話俾我聽。
33）我鍾意你努力工作，但都要盡量抽時間陪我。
34）唔好成日問你約會去邊度好都話「是旦」，咁唔叫就哂我只係表示你無心思。
35）應承左我既要野要做到 , 唔好俾希望我之後又失望。
36）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」
37）我跟你說話的時候，不要叫我扮嬌哆同低b。sorry 我唔識
38）CHECK你電話的來電顯示是我的嗜好之一。但你未經我同意唔好CHECK我電話 !
39）你最好唔好有任何女性朋友、紅顏知己或契姐契妹之類的物體。
40）我有男性朋友係好正常。
41）我希望你的女同事全部都是師奶呀嬸醜女或肥婆。
42）我好有興趣去知道你同你舊女友的事，愈詳盡愈好。但唔好俾我知你對我差過佢地 !
43）我有時都會掛住舊男朋友、以前暗戀過的男生、華dee梁朝偉同藤木直人。
44）無論拍左拖幾耐，我都渴望你時不時比Ｄ驚喜我。
45）你要時不時對我講「我愛你」最好加埋forever，否則我會假設你唔愛我。
46）大庭廣眾粗口爛舌唔係叫有型 ,對住我唔可以講粗口。
47）要俾我覺得你緊張我 , 但唔好俾我覺得你煩。
48）發脾氣時要即時哄番，唔好比時間我冷靜下，其實我完全唔需要時間冷靜。
49）購物是女人的天性，請不要阻止或對我的購物行動有甚麼意見，最好間唔中資助下我。
50）唔愛我可以直接分手 , 唔好講埋D九唔搭8既籍口拖拖拉拉。
| | 發表時間：2009-05-30 05:26 PM [ 訪客留言(2) ] [ 編輯日誌 ] [ 分享至FACEBOOK ] |
« | 3 | 4 | 5 | 6 | 7 | 8 | 9 | 10 | 11 | 12 | ... | 109 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
