因為前兩日病左,,都冇打日記...仲請埋假冇返= =+今日遲左d出門口,,去到地鐵站會合媽子佢地

沿路鬧出唔少笑話,,返到去坐左陣就去換衫...之後入課室,,朱sir因為琴日單野要媽子寫報告囉...

真係吹哂漲,,光頭唔只d頭髮有問題,,連聽覺都開始衰退囉...落去7樓上英文堂,,分組個陣...

miss係都要3個人1組,,咁唯有我閃同去熊貓加阿sam 1組囉,,冇所謂啦反正佢兩個英文叻=v=

跟住上返去朱sir要琴日係到既人寫返件事囉,,唉!!其實咪多此一舉,,你都估到件事係點啦...

點解仲要哂白紙呢?考我地班d人齊唔齊心?1d人寫野,,1d托下盤囉...後尾到放食飯前,,

朱sir話以後都會準時9點先開門,,食飯就鎖門...搞到媽子好唔開心,,連食飯都冇咩胃口食...

跟住上左機鋪囉,,唉!!開始對鴨仔舞半放棄...玩下槍game同打下鼓囉XDDD新寵兒耶~

返到去再聽朱sir催眠曲...不過都頂到差唔多放小息先訓,,可惜又訓唔著...跟住仲要比ta姐搶手電,,

最爆既係佢竟然用我手電sd左個短訊比熊貓囉,,sd都唔緊要...最高興死係個內容:我愛你

玩咩話哂都讀過中四文科,,真係示愛都華麗d丫...跟住小完息咪繼續托盤囉,,都ok易過關...

但最大獲我唔多識用"更"同屮夾野囉,,搞到好似手抽根咁-.-"後尾有兩個師兄黎吹下水,,

都幾過癮,,聽返佢地以前d曳野真爆笑囉...入部乾衣機到玩囉XDDD,,仲有d加料餐巾同洗手液!!

後尾執埋d野再食件西餅就拿拿臨換衫,,落到去地下...媽子就比洪洪接走左,,我地3條友就上機鋪...

玩喪屍game,,開頭仲以為好快死...玩下玩下過到第1關,,當然都有死啦...不過原來都真係幾好玩,,

難怪咁多仔都鐘意玩啦,,跟住去買粟米批食...送jessie到鰂魚涌就閃返apm等珠媽同公主,,米老鼠

等齊人就去左裕民中心配con,,驗眼先知原來我唔知幾時有散光...好彩都係50幾度,,

可以配普通個隻con...480蚊1年都平,,多謝珠媽>3<後尾米老鼠配埋眼鏡就去食韓燒...

超好味>v< d牛扒超鑽!!原來公主係燒多春魚高手XDDDD,,食到11點鬆d先閃...

送完米老鼠上車之後,,竟然撞到阿英同連子...真係好耐冇見啦同佢地,,問左其他人點...

先知好多都升唔到中六,,開始有d覺得自己冇繼續係中四讀落去係好彩既事...比我上到中五又點?

會考成績1定仆直囉...係到希望其他升唔到上中六既高雷人士,,努力搵野讀或者搵野做住先啦...

唔好日過日哂時間...第日1定會後悔,,