祝賀 Sword Art Online 刀劍神域 OP (粵語) 收聽高達2000人以上！
真係好感謝大家既支持呀！
一開始見到係百度有刀劍神域既粵語歌詞既時候，
我就急不及待嘗試去唱下，結果發覺歌詞好流暢，而且又好有意思！
所以，我就想去錄音然後分享上youtube！
其實果陣時真係幾怕怕，因為怕唱得唔好，係youtube既CM不斷被人吐罵之類等等既幻想。
雖然之前我都做過兩次翻唱，但係都係失敗收埸(連過百人聽都冇)，而且個人果時都係玩玩下，無諗住認真分享。(冇被人dislike已經算做不幸中之大幸啦！)
呢個就係錄音個咪啦！(根本就係眼仔！)
沒錯！係你地youtube聽到我既唱歌，就係用呢個超唔專業既咪錄出黎！
本來諗住搵下屋企有冇D專業D既咪黎錄音，但係結果好明顯就係冇啦∼
不過呢個咪都算幾好，錄音錄得幾清晰∼
今次真係好感謝大家既支持，不但冇吐罵我話唱得咁難聽不如唔好唱啦，反而仲支持我並且講出有邊D地方可以改進，令我可以做得更好！
我希望可以透過互動告訴我更多不足既地方，同埋喜歡既地方！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
新改歌詞 戀愛、選舉、朱古力 OP Signal Graph (粵語)
第一次自己作既粵語歌詞，明顯有好多∼好多∼不足既地方，無論係技巧上定作詞上！
所以即使係唔喜歡，都好希望大家可以話被我聽有咩地方唔好，如何改善得更加好等等
這樣既CM對我黎講極為重要！唔係我會較難改善問題。
當然亦非常感謝大家既支持！令我繼續有動力去創作！
================================================================================================
鏡泠風忠心感情大家！
|
