今日係家長日，好擔心呀!唔知Derek會講d咩

十一點四就返到學校，等到十二點幾先有得見，年年家長日都有排等

我係等既期間聽下其他人見完Derek之後點

一入到去，Derek又對我笑，心寒

佢跟住就畀左份成績表我老豆睇，成績一般，英文僅僅合格

全班考廿四，全級考卅四，跟住Derek開始講野

佢講左一大堆野，都係叫我讀好d英文，講左好耐

跟住佢話"I don't like your attitude."

話我唔認真，成日上堂發夢，諗其他野，又咁樣講左幾分鐘

終於走得啦，Derek今日比我想像中溫和好多

跟住我叫老豆先返屋企，我就繼續留係度睇下其他人點

皇天不負有心人，我終於見到人中鎗，佢就係吳天朗

佢俾Derek同佢阿媽知道左佢拍緊拖

之後佢不斷俾佢阿媽鬧，鬧到過晒時，搞到Derek要趕佢地走

佢阿媽之後又繼續鬧，我地成班好同學走左過去湊熱鬧

我地同佢阿媽傾左好耐，畀左好多意見佢，吳天朗今次有排煩啦

之後我地返上3A同Derek傾計

我地傾左好多無聊野呀，Raymond傾傾下有d事走先

歡樂既時間過得特別快，我地一直傾到二點幾，又了解Derek多d啦

跟住我同尤港、鍾思樂、王曉鴻去左食飯

間餐廳有好多昆蟲走黎走去，有d後悔去左果度

食飯果陣時又傾左好多無聊野，不過都幾開心

之後得番鍾思樂、王曉鴻同我一齊行，我去左郵局寄信

大家估下我寄俾邊個

我地跟住去左海心睇海，又係果度傾計傾左好耐，不過我已經唔得我地傾左d咩

我地又好無聊咁行左去黃埔，我地係漁人碼頭攞左兩個汽球

我地之後係附近放左個汽球，原來個汽球可以飛好遠架

跟住我地拎住剩低個汽球去附近既公園

我地將願望寫左係張紙度，跟住挷左係個汽球度

跟住我地三個一齊將它放左

2006-12-17 05:41 p.m.

我永遠都會記得呢一刻

大家又估下我許左咩願望