今日係聖誕聯歡既大日子

我地首先係內操場過左半個鐘既無聊祈禱會

跟住就一系列既頒獎，我地班攞左:

班際清潔及秩序比賽--------季軍

最禮貌班級----------------- 季軍

班際壁報比賽---------------季軍

加埋尋日既班際合唱比賽

我地班係四「季」王，相信無人可以打破我地既記錄

跟住我地就返班房，開始我地既聖誕聯歡

我地食完野先開始玩

我只不過係遲左幾十秒出去，估唔到出面既野食已經無左一半

3A班d人真係兇狠，相比之下我只是一隻小綿羊

之後我地開始玩遊戲

我地玩大風吹先，雖然玩左好多次，不過都係咁好玩

最估唔到既係一向身手敏捷既我居然輸左

大懲罰係要表演行cat walk

不過最慘果個係梁健東，佢既大懲罰係

要俾Derek「凝視」住，真係悽慘

跟住我地玩扑傻瓜

估唔到Derek第一個叫我，搞到我輸左

大懲罰係大聲講八次「我以後都唔會再輸遊戲架啦」

之後我用一副無知既眼神扑左Ms Ho一下，我唔會再輸架

之後我地玩Killer

我真係好運，做左Killer，我好成功咁Kill左Derek

不過最後又輸左，又要玩大懲罰

今次係「要係十五秒內吹爆個汽球」

我玩完一輪激烈既遊戲之後當然唔夠氣啦，結果俾王曉鴻係我面前爆波

我一路追住佢，係佢面前爆番次波

歡樂既時間過得特別快，又係時間講拜拜

不過貪玩既我決定繼續留低係度玩

今次我地決定玩老師

我地係男廁門口等老師出黎

我負責引開老師注意，其他人就係老師後面爆波

我地好成功咁玩到何sir同鄧sir