今日好開心
參觀左兩間IVE(柴灣同長沙灣黃克競分校)
朝早去柴灣分校, 首去食品製作實驗室聽d學員講解
我地已經緊張架啦
估唔到佢地講解得仲緊張, 隻手係咁震
完全唔知佢地講解緊d乜
跟著去工商管理o個度玩攤位遊戲
d人昆我現任財政司長係唐英年, 曾蔭權都咁夠膽死--
跟著去酒店旅遊學o個邊既攤位繼續玩
d遊戲主要都係認地方名都問地方名, 岩哂我=)
之後周圍hea, 咁就參觀完

行番去杏花村站搭去長沙灣站睇下一間IVE
人數少剩14人, 行去京都酒樓飲茶
狂同michelle, 肥doi佢地傾計, 但氣氛都係好靜
總共食左$630, 大叔請哂!!
大叔真係唔話得
我地一毫子都唔駛比, 實在太感謝大叔
食完就行去IVE
一入門口, 成膨學員著哂西裝企o係門口夾道歡迎
之後同黎賽芝, michelle, 明哥, 肥doi, 梁智匯
周圍hea周圍睇, 好明顯無柴灣分校多野睇多野玩
我同明哥o係o個度只係玩左1個遊戲
有part遊戲係踢拖鞋入窿, 我一個窿都踼唔入- -
然之後又係周圍睇, 睇到咁上下就走人
大叔帶我地去南昌站, 原來都要行好遠
搭去天后站, 我,肥doi同michelle落車
去中央圖書館hea
hea hea下見到個地球儀
就o係度研究地理
跟著拎左本世界地圖繼續研究
發覺施sir教過d野全部唔記得哂- -
不過都hea得抵
最後到5點就各自走lu