今日同班小學同學以及佢地D中學FD去大欖涌燒烤樂園BBQ
點半o係怡和街M記等, 齊人即上962, o係車上鋤大D
唔識玩都比佢地迫我玩畢全程
吹到唔識玩既我頭2鋪WIN左(當然搵人幫拖)
難道我副牌真係咁靚?
到站落車有雨, 好彩d雨唔大
到燒烤場比錢, 五條友總共$390
跟著搵個位黎燒, 一燒就燒到夜晚
D食物蜜糖任拎, 又送一支水同一罐汽水, 幾抵
不過, 燒左咁耐, 1路都好少人, 露天D位空哂
到夜晚先多少少人, 但相信都係佢地鋪頭D自己友多
燒左陣就租左副麻雀黎打
四條友上正場撐檯腳, 不過有兩個係唔識打(包括我)
所以識打o個兩個分別睇著我地d牌黎打
唔識打牌既我居然可以食到糊, 仲食左3次(當然亦有人幫拖)
難道我D牌又真係咁靚?
發覺我已經開始識打牌, 不過鋤D玩極都好似未識-__-
打完牌繼續燒傾下計, 講左D小學既往事..老師...
發覺原來我已經唔記得哂小六某D同學
蔣志煒提我我先有印象, 真係遺忘左好耐
有時D野真係好巧合, 小六有兩個同班同學
唔講真係唔知原來佢地可以巧合到到中學都可以有機會讀同1間學校
仲要係九龍區, 跨區o個隻
住既地方都可以係同一棟樓
又有一篇世界真細小既言論
不過我無咁既巧合啦, 我都係跨區升中既
點知我跨左東區呢間中學1個小學同學都無><
有時傾下d開心往時真係好開心
燒到9點幾度就走人
求其上左架紅小去佐敦, 又吹左陣水
之後就解散
MTR由佐敦回家, 番到屋企已經係12點...

今次真係好開心好正, 好似未夠喉咁
希望下次多番D人去啦, 如果下次有女仔就更加好

多謝馮玉華教我鋤D
多謝蔣志煒教我打牌