今日係情人節前夕
朝早收到唔少糖同朱古力
上圖d糖係samlee金魚單鮑同我夾埋一齊影的=)
首先祝天下有情人情人節快樂=)

而今日亦都係中七班友上堂last day
五愛班今日既情緒亦都似中五上堂last day-__-
lunch有人都拎部相機出黎影
連最尾兩堂施sir黎左都繼續影
事實上, 距離中五上堂日子既lastday仲有兩個星期
好快成個中五學習生涯就結束

世史同地理都教哂書喇
唔計中文, 唯獨是經濟仲未教哂書
算把啦, 如果會考經濟有E我已經好開心
根本對呢科無興趣, 今日我有嘗試好努力咁聽書架
但聽聽下始終都發夢

另外, 呢個星期開始陸續有人比紀念冊我寫同簽名
我已經收到7樣「功課」, 其中一樣已經交左
其餘6張有D係白紙一張要我設計o個D呢
可能需要多D時間, 下星期會陸續寫哂佢架喇=)
而我下星期亦都會比紀念冊你地寫的

至於謝師宴終於開始籌備
去既$400一位, 其實係咪貴左D?
個個都話係咁上下價錢
不過就算點都要係咁以去下架喇
幾難得, 唔知點解有人會唔去

最近呢兩日天氣好潮濕
嶺南中學呢間近海學校肯定仲濕
周圍都濕笠笠
相比幾日前跟黎SIR行山時既天氣
o個日行山真係幾舒服
黎sir仲話下次我地考哂試
會再行多次
下次仲會由大帽山行落深井食燒鵝@v@