今日輪到同老豆傾搵工問題
做傳媒的確唔易, 人工又唔高
又講到環遊世界
我o既夢想真係希望能夠環遊世界
因為我好想去好多地方增廣見聞
等有錢先講啦

老豆又同我講左好多人生道理
如果你怕做某一件事, 你就已經輸左
同埋做人唔好怕輸怕蝕底
要識得學習勁過你o既人o既長處
跟多D叻過你o既人
你就會不斷咁improve,不斷進步

個腦要識轉彎
例如做waiter要幫人執碗碟
個腦唔識轉彎o既人呢
執檯面d碗碟要分幾輪咁執架
識用腦o既人只需要將碗碟疊埋o係一齊就搞掂
老細見到唔識用腦o既人咁樣聽炒啦

個腦識轉彎之餘亦都要識得點樣解決問題
成功解決問題會使自己自信心大增
好似踩單車咁
例如前面有條大過45度既斜路
再加上條斜路有好多障礙物
究竟點樣先可以踩到呢條咁斜o既斜路?
究竟點樣先可以用最短o既時間
以最快o既路線踩上去呢?
期間唔可以番番轉頭再黎過
因為咁樣做亦都代表你輸左
咁樣就係一種考驗, 問題係要用黎解決
凡事都能夠解決, 只在乎你有無咁既意志力
解決左亦會有好大o既成功感
所以老豆講得好有道理
老豆都可以咁落, 點解我唔可以?
所以會考之後我會跟老豆踩一次越野單車
因為自問自己係一個唔識用腦, 唔鍾意解決問題o既人
老豆仲同我講左好多道理, 只係我唔記得左-__-