早上11點就去左中央圖書館
無哂位比我自修, D人又會早得咁交關的呢
我只好落番去2樓搵枱 結果坐左喺參考書籍區嗰度
坐我附近有1個細路仔1個細佬女(應該讀小1小2)
跟著有1個相信係佢地既呀媽
個呀媽教佢地做功課溫習
有咩問題?好平常者
咁平常既野就唔會講啦
就係因為佢地3個大部分都係用英語對答
佢地呀媽D英文"辣辣聲"
教佢地做HW時講英文
教佢地做數學時都係用英文
佢地亦都係用英文答呀媽野個WO
又見到佢地用普通話讀課文
佢地D普通話讀得幾好架
咁細個兩文三語飯飯掂
呢D小朋友第時真係會好唔簡單
真係要多得佢呀媽趁佢地BB仔就教佢地咁多野了

下午去旺角出席一間網絡電台會員大會
仲以為會有好多人, 點知都係得番嗰幾丁友
去到嗰度都唔知做乜, 剩係見識下其他主持D樣-____-
唔單止我, 連負責人都唔知自己做乜
早知唔去, 因為我去左嗰度既話
去牛頭角下邨就係我既機會成本 /__\
不過算啦, 有耳筒連咪送總算唔同D