好耐無寫BLOG
因為通常都係夜晚寫BLOG的
但偏偏喺呢幾晚就要用埋寫BLOG既時間
去做第2樣野去忙
考試之後又變得放肆, 平日訓晏左先起身
所以令我覺得最近呢幾日時間過得特別快

嗰第2樣野其實係一份無薪金工作
呢份工要同時間競賽, 平日每晚11點要準時出街
所以呢幾晚我都喺度忙緊搵料..準備....讀...

至於日間
有陣時可以幫呀姨手做野
佢份工真係幾好架, 成日周圍去交野攞野咁
好似上次我去尖沙咀攞文件
當時係差唔多食完晏既時間
喺海港城入面
10個有9個都係西裝友, 佢地步伐都比較喘急
感覺真係非常唔同
因為我平時好少去尖沙咀, 去親都係週末
今次係平日去, 所以比我見識到
當時嗰個景象真係好零舍不同, 好特別...

如果唔駛幫手，其餘時間唯有喺度玩自閉
讀下報紙練下琴咁樣囉, 唔係點?
搵真正既暑期工?我仲未有咁既打算

不過我總係覺得好悶