澳門呢個地方以往令我留下好印象既係
D的士佬對我地D旅客都好熱情架, 佢地好好傾
又同我地介紹有咩地方好食等等
可惜，最近一日前過左去澳門
喺嗰度搭左三程的士
有兩次坐得我地唔係好開心
1個講咁多野原來全部坤人
1個既態度就好鬼差
嗰D都係少事唔多講
我想特別講既係過關查身份證既人員
前日臨上船返港喺氹仔臨時碼頭過關
有兩個櫃檯開左, 兩個人員負責check身份證
到我就行去1個櫃檯遞張身份證
我已經行埋去櫃檯前面
但係見到嗰位人員仲好忙咁執緊野
我以為佢未得就唔擺低張身份證啦
哼.點知嗰條死八婆就用非常之差劣既語氣同我講
「擺低張身份證啦！」
然之後佢好快就拎張身份證去碌同check
好快就比番我(佢全程既動作都好粗魯, 又黑口黑面)
我登時就覺得佢D態度非常差
我真係火都滾埋, 仲駛同佢客氣既
佢比番張身份證我之後
嬲到我好大力咁「蠟」番張身份證走
「蠟」張身份證既時候仲發出"拍"既聲響, 非常之大聲
真係丫, 真係估唔到過關既人都有呢D咁差劣既態度
我覺得條死八婆唔想做呢份工囉
嗰陣時真係好想鬧佢
「咁唔想做咪唔好做囉, 駛唔駛咁既態度呀」
我好想講不過唔敢講, 話哂嗰度係海關
澳門D公共服務質素做乜會變左咁多?
真係對澳門留下1個壞印象