* 六四事件始終係一個非常敏感話題, 如果我既言論引起不滿歡迎指出
但唔好批評, 因為我仲未對呢件事非常熟識, 唔該

無綫新聞因近日處理六四事件、
新聞時段播阿嬌既訪問、低調處理成龍講錯野既事..
都引起市民不滿
日前無綫新聞更加完全無提已故中共總書記趙紫陽錄音帶曝光一事咁濟
所以前日有市民趁無綫新聞當日傍晚新聞時段
喺記者直播其間既背後舉起「無綫新聞 事事旦旦」標語以示抗議
令呢句標語向全港數以萬計觀眾展現出來
其後無綫如常放該新聞節目上載至官方網站
不過已將舉起標語部分片段刪除

而六四當日主要新聞時段
大部分香港電視台都以有關六四事件新聞放左頭條位置
但無綫新聞就無將六四新聞做頭條
反而當時頭條係學生濫藥, 報道六四新聞都係喺較後位置
除此之外, 唔擺六四做頭條都算啦
網民亦不滿當日新聞時段用較少篇幅報有關六四新聞
因此就以上種種跡象
無綫近日已足以被網民戲弄為CCTVB

對於無綫新聞近日處理六四手法我很大程度上係反對
今年係六四事件二十週年
加上六四事年20年前夕特首講錯野
真係可以令更多人想知道六四究竟係咩野一回事
我本身都對呢件事唔熟識
但眼見事件發生後, 年年都有集會
睇得出佢地對呢件事既堅持同關注
所以比我知道六四史實同相關新聞係應該的
可惜近日無綫新聞處理呢件非常時期既非常事件真係保守左
好似近日唔講趙紫陽單野
我都好認同嗰一剎那既無綫已變成另一個中央台
但之後無綫新聞講有關六四事件, 講又比人插, 唔講又比人插
皆因無綫新聞唔肯將呢件事詳細報道
唔知佢地有咩原因啦
如果無綫新聞要做到「事事關心」, 我覺得應該多D提六四囉
相信好多人都好似我咁需要多D關心下六四事件但佢無乜點關心囉
你話無綫新聞係咪事事旦旦?唔係事事關心?

另外, 根據六四當日傍晚新聞, 頭條唔係六四係學生濫藥
我覺得學生濫藥做頭條都係應該, 呢點我就認同無綫新聞做法
但係始終都唔能夠將六四新聞擺左喺較後位置先講囉
我仲好記得當時講完學生濫藥之後就講西港島線
西港島線已經落實左會動工, 等撥款我地就唔需要太想知囉
所以西港島線擺喺第二則報道講唔通啦, 起碼都係六四丫
相關六四史實更加擺喺最後一則先講, 更加講唔通啦
所以當日新聞編排真係好大問題
你話無綫新聞係咪事事旦旦?