今日有D唔開心
因為呢件事關乎個人私隱, 所以好唔安樂
我個名向外公開唔緊要, 不過都要經本人同意先囉可惜佢無
昨晚我睇MSN連絡人清單
居然見到其中一位連絡人既個人訊息出現我本人的名字(中文全名)
唔係句子黎, 係直情我個名黎, 仲有將我個名三個字掉轉黎寫
擺明玩我個名啦, 我感到非常驚訝
夜晚向佢提出呢個問題
不過, 未向佢提出前佢已經將我個名喺佢既個人訊息中刪除
問佢點解搵我個名出黎玩
佢居然答我唔知原來係我個名黎
又話我個名係同佢個FD諗出黎, 諗著係玩董建華
我非常不滿佢既解釋
既然佢諗著玩董建華
點解佢同佢個FD可以有咁岩得咁橋諗到個名可以玩董建華
而嗰個係要我個名? 仲要三隻字都無錯?
我諗唔到我個名點樣可以玩到董建華囉
另外, 我係有將我個中文名向外界發佈, 但發佈人係有經我同意囉
所以唔排除佢係喺發佈人既作品度得悉
再者, 早前我為佢地既一間機構填過一份表格
喺姓名欄係有填寫我既英文全名, 而且填寫呢D表都會保密
雖然係英文名, 但我好相信事前以佢既身份係有權觀看表格內容
所以係已經知道我個名, 亦唔排除有其他因素啦
因此佢話我個名喺佢唔知原來係我個名之下, 同佢個FD諗出黎
我就覺得好唔化算,
加上同佢個FD諗出黎又會咁巧合係我個名既, 仲要三隻字都無錯既
我亦無對佢公開講我個全名
所以我亦都覺得佢唔需要搵呢D藉口囉

本來係一件小事, 但因為佢所謂既解釋就已經唔係小事
呢件事我係唔會算架
佢一日唔同我解釋清楚我實唔會對佢客氣
真係火滾 離譜