7.1大遊行最令我感興趣既地方
就係遊行人士舉牌舉橫額入面D標語
有D標語口號真係好有創意, 我都笑左
同埋聽到泛民議員沿途既打氣聲音
尤其係黃毓民, 行到去佢嗰度真係笑死我
「曾蔭權昨晚打比我」都講得出
親身睇到遊行情況, 再番屋企睇電視新聞
覺得自己好開心可以生活在香港
現場所見, 反政府當然大把, 但係撐政府既都有
我諗大多數遊行人士都係撐泛民既行動架啦
不過睇埋新聞
原來反泛民既都有WO,  雖然唔喺同一隊遊行去反
但亦都特登去揀7.1當日, 就算人少少都照行
特區政府聽唔聽到回唔回應係另一回事啦
但係, 真係好高興香港回歸後仍然有呢一種言論自由

* 7.1當日我因要事在身其實並無混入遊行隊伍
* 遊行相在facebook