成個過程我係同呀媽去
去呢啲比較陌生既地方當然要搭MTR啦
首先搭巴士去中環
然後喺香港站搭東涌線去荔景站, 再轉荃灣線去大窩口站
然之後行去大窩邨, 行下影下相
比我既感覺係大窩口邨好寧靜, 好大, 但人流唔多
雖然係舊樓, 但如果住就應該幾舒服唔差
而呢啲舊公共屋邨多數都係老年人往
呢度都有商場, 但商場設計係不設冷氣
商鋪都比較少, 分佈得唔係幾集中
總之整體感覺上同其他我去過既公共屋邨有啲唔同
去大窩口邨, 要特別提既一點係
有啲樓既走廊加左圍欄, 係我第一次見到公共屋邨咁做
然之後番大窩口站搭去荃灣站
一出站, 人流非常多, 同大窩口差得都幾遠
即刻行去巴士站搭去海濱花園嗰架M車
喺車周圍望, 呀媽同我講荃灣有好多野食
本身講左話要去荃灣公園落車, 點知搭過龍去左總站
真係大鄉里, 不過地方都唔係差得好遠啫
去海濱花園間大家樂食野, 然後繼續遊蕩
先行左入去海濱廣場
以為係朝早, 但其實已經係下午
因為商場入面好暗, 真係好想知平日係咪都係咁
嗰度又好少店鋪開門, 又好似有好多空鋪
所以人流非常少, 真係非常奇怪
不過, 以下呢個地方就為寂靜既商場帶黎一點熱鬧
就係商場既呢一角, 所以呢間商場真係好得意
還掂間商場都無乜野行, 所以出左出面既附近
走去行海濱走廊, 見到有個碼頭
見到住柏麗灣既人一落船就即刻直行去荃灣西站
睇黎荃灣西站真係好方便柏麗灣居民
行完荃灣就搭小巴去荃灣西站
即管實行多我搭西鐵既第一次
西鐵通車咁耐星期日先第一次搭, 真係好想笑
搭去南昌站再轉東涌綫番香港
趁西鐵綫即將延伸終於可以搭多次總算有番啲意義啦
更多相在 facebook
此日記 5 BLOG同步
