而家就講開學既第二日, 都係處理班務
5G班啲同學開始認識我,
9月1日其實我比班主任轉我去窗口位坐
我亦開始同坐我隔離個同學有野傾, 係咁問佢關於學校既野
而且, 當班主任點人負責做科長等既職位
我咁樣就比某位同學點我負責籌備謝師宴
後尾我改左口話想搞畢業禮, 呢啲職位都係選定先啫
而我又同時負責做 IT Prefect, 咁就做左兩個職位
跟著無乜特別野, 日頭12點前就完左開學第二日

搭MTR去杏花邨稻香同嶺南班FD飲茶
真係好開心可以約番埋一齊
佢地有啲原校升, 有重讀, 有IVE, 有大學先修
傾傾下譚僑威同我講, 嶺南都有1個同我一樣重讀我讀緊呢間
我就感到好驚奇, 但我過去兩日都見唔到中五有嶺南人
我反問左佢好多次, 佢都話係, 咁我第2日(即係今日)番學校再睇
都見唔到有嶺南人同我一樣重讀中五
直到LUNCH後上英文堂, 聽到有個人自我介紹, 個名好熟
我一望, 原來真係辛可兒。