文理香港 中五文商班有以下科目讀
中文 英文 數學 (必修)
會計 文書 中史 經濟 地理 視藝 (選修)

喺來年既2010年HKCEE
我都會照樣報番09年HKCEE考過既科目
除左中英數, 我有報考既科目有:
經濟 歷史 地理 電腦與資訊科技 

對比我報考既科目同文商班既科目
商科既科目一定無我份啦(除經濟)
文科有中史、經濟同地理(我無修讀中史)
但係呢班文商班只係得經濟同地理先有堂上
歷史 同電腦與資訊科技 就唔喺文商班選修科目之中
所以 歷史 同 電腦與資訊科技 要自修
 

即使文商班無歷史同電腦與資訊科技
副校長都批准我以自修形式繼續讀呢兩科
係蝕底啲, 因為我呢兩科唔會有堂上
所以有任何事都要私底下問科任老師
由於我係喺日校自修, 學校都會安排測驗同考試比我

所以今日我喺放學後自己做左個歷史科小測
小測後自己另外搵教電腦科既老師傾會考既野
電腦與資訊科技會考分三份卷
一份係核心單元筆試, 一份係選修單元筆試
另一份係個人習作(即係做Project)
由於我喺上次嶺南做過一次
所以我今年以為我係以自修生身份報考呢一科
就可以唔駛做多次Project, 用番上次個Project分就得啦
點知今日放學臨走前同電腦教老師傾
佢話我聽, 因為我係日校自修呢科
所以我要再做多次

我暈喇.....

繼續講嶺南同文理既分別
今次講夏季校服
嶺南: 灰色簡條恤衫灰色褲
文理: 白衫白褲