八號風球維持至今朝10點3, 唔駛番學
今朝6點半醒, 喺房即刻禁著部電視
知道唔駛番學, 我呆左喺度繼續睇
跟著老豆入黎熄左部電視, 佢繼續訓
我自己一陣就訓著埋, 9點9起多次身仲係八號東南,
話短期內會改掛3號...
望向出面, 屋苑周圍都有幾棵樹倒塌
我琴晚仲估今日要番學, 點知唔駛後尾諗自己點解會估錯
可能因為佢係颱風, 唔係熱帶風暴
就算吹唔正, 點都會有一定強度
又比條茂李估到「不排除有停課可能性」
我仲同人講信佢半成算, 搞到被反串話要信佢喇..

巨爵之後, 唔好忘記仲有第二個風喺西北太平洋
呢個「彩雲」不繼增強, 已經形成左好清晰而明顯既風眼
我覺得佢有可能增強成超級颱風
雖然佢而家距離菲律賓仲係好遠, 天文台都仲未開始講佢
過去佢既路徑係以西北偏西方向移動
不過, 現時佢仲喺無雷公咁遠, 佢既走向實有好多變數

難得有一日假期, 要好好珍惜,
打呢一篇日記, 打一篇評論, 溫一課地理