已經係2010年喇
回望2009, 雖然學業上無乜成就, 定下兩項大目標都無法達成
但09年又唔係過得唔開心的
一切情況都係由09年8月5日開始逆轉
放榜後, 我比較幸運, 好以好快搵到學校肯「收留我」
首先想再次多謝文理比呢個機會我讀多年同識多班咁好既同學仔
因為佢地令我09年下半年先至多咁多街出
體驗到同好同學相處既另一種感受
09年我好享受同你地相處既每一刻, 多謝你地
所以我開始肯定自己堅持選擇呢條路係無錯的

除此之外, 09年多左街出都係多得同我志同道合既好友
因為我地都有共同興趣, 就係熱愛從事網上新聞工作
好多謝你地從09年7月1日開始
安排我做左至少三次戶外採訪同需要上鏡既工作
感覺非常好, 非常有挑戰性
2010年, 依然係定左考好會考同識彈流行曲為目標
我相信今年一定有能力做到
同埋考哂試去多D香港不同角落見識世面
我亦計劃暑假會開始做暑期工
以我今年年紀先做part time已經算遲
講開年紀, 今年我將會換成人身分證
希望我自己要生性, "我要活下去"
"I Will Survive"就係今年最能代表到我既歌=)