我今日點都要抽時間打BLOG
因為呢幾日發生既事一定要記低同分享
就由今日講起
今日上英文堂我收到記缺點家長通知書
原因係未完成英文網上練習九成或以上
當我簽左名確認缺點後已經有唔開心
點知上堂過左一段時間, MISS叫我簽答問題
我唔識答, MISS係咁迫我講reason
以我當時既情緒實在不容許我繼續作聲
答完問題後, 即刻流淚, 好快就忍唔住無聲地喊左出黎
差唔多成班都知道我喊, 係咁掩著自己塊面
霎時間覺得自己無面目見人
多謝george既安慰同紙巾, 曾經有一段時間我收到聲
點知落堂miss搵我傾, 我再次忍唔住喊住同佢講野
當我知道自己有缺點之後, 一度埋怨學校點解要有咁決斷既決定
寧願唔想拖而縱容學生亂做網上練習
都唔著重學生網上練習既成績同成效, 即係重量唔重質
自問自己係一個認真做網上練習既人都要被記缺點, 好唔公平咁
不過呢個始終係學校既決定, 晨早講明喺限期前一定要做哂否則記缺點
呢個亦涉及責任感問題, 我今次做唔到
所以始終都係怪自己唔夠盡責啦
雖然今次缺點可以抵銷, 抵銷後成績表唔會有污點
但新黎新豬肉咁快就收到從來都未有既缺點
已經喺我自己喺學習生涯上一個重大污點
怪就怪我睇一個缺點睇得太重啦。

跟住要講一日前, 今個星期一我缺席
原因係我出輕微水痘
其實上星期四已經知道我成身一點點
星期六去睇醫生先確定係
醫生比左三日假我
成個星期日無出到街
星期一就去左覆診, 已經無事可以番學
我細個未出過水痘, 今次出得好輕微
期間完全無任何發燒同痕癢, 水痘又好似暗嗆咁
所以應該唔會點傳染到d未出過既同學仔掛。

再數一星期之前, 我過左去澳門
岩岩夠秤可以入賭場
當然, 而我呢d細路仔樣入之前一定會比保安員截停check身分證
入到去之後覺得都好大, 以為有好多賭枱啦
點知老虎機仲多
呀媽都係帶我見識下老虎機算
禁左幾下掣投注
發覺原來玩老虎機都幾悶下
成日都完全唔駛用腦地禁相同既掣
真係好靠手氣
至於我第一次玩手氣係點就唔多講住喇
下次有機會玩再講啦！

遲d打生日感言, 再次多謝咁多位既生日快樂=)