5月10日星期六, 同媽利華食完野就118去紅隧口再搭東鐵線去沙田
連城廣場好多人, 齊哂人就落左去等299去西貢
到西貢碼頭再搭7號小巴入海下
全程車費灑左我近40幾蚊, 車程又耐
一入到海下間青年旅舍, 電話收音機乜都收唔到
間旅舍非常之舊, 好多昆蟲, 宿舍又非常簡單, 真係好似接受軍訓咁
去到個度好似2點幾就開始活動..

分左3組, 我同王凱欣、cherry、狗犬、所謂既peter、好似還有1個欣個d一組啦
首先玩雞蛋, 頭兩次我都好快就win, 到最後一次就差dd
之後分3組玩敲樹鐘, 結唔知乜鬼繩同捐窿
敲樹鐘係上年既camp玩過類似既, 我都唔記得左上年既方法係點..
結唔知乜鬼繩我地組結唔到, 我都唔識點玩
到捐舊校門既窿睇我地個女人miss話我地非常之具娛樂性, 因為我地傾其他野頌多過真係捐..

玩哂熱身遊戲夜晚就開始啟程前往某個燒烤場, 兩個人一組, 只好同個所謂既peter整野食, 天一黑就開始落雨, 無雨衣既即死, 個度又無街燈, 個陣時真係黑得好緊要, 煮唔到飯, 聽講又話唔好用電筒, 我只好食包餅同齋食飯, 成世都未試過咁食飯架, 拿拿林執哂d野集隊。本來就諗著上山, 但為安全起見, 只好改做另一個活動, 就係矇眼行番營舍, 我地team居然係第2組番到, 過程中我地組4個人矇眼3個無矇, 兩個兩個, 無矇既拖著有矇既人, 同cherry行時好似傾左唔少學校既野, 幾好玩, 不過始終都不及上年溜夜上山玩矇眼先咁好玩

下午準備出發時諗死我地今晚(10/5)番唔到營舍, 好彩落雨, 唔駛上山者, 我地沖涼, 之後就去canteen開會議, 石sir開始同我講野, 係咁話我見到好多野, 點解唔發表, 可能係佢覺得我有好多意見啦啦, 其實我咩野都唔知, 我係無乜主見既人, 不過我都嘗試緊架啦...最後番番入房訓, 好多人黎玩, 係度細聲講大聲笑, JERRY第2日同我講話佢完全聽唔到嘈雜聲, 頌訓得好甜喎, 我就癱左陣就訓埋

5月11日星期日, 7點幾起身, 8點集隊全隊分左兩組, 同楊伊文呀吳詠琦呀所謂既peter呀狗犬個d一組, 首先跑去黃石碼頭, 係個度先食包餅當早餐, 搞掂哂就正式開始辛苦喇, 我地要係限時內去到東心淇, 期間要「跑山」, 要行經水漲既一段路, 成對鞋開始濕哂, 期間跟隊既呀sir一見到我地決定錯左既就會糾正番條路, 所以我地組真係比另外一組好好多, 「跑」山跑左應該有兩粒幾鐘就到左東心淇既一間屋, 停頓左一陣, 拎救生衣, 執好哂d袋, 準備玩獨木舟, 落去海邊搬獨木舟既艇, 好污糟, 真係唔知d艇擺放左幾耐, 有d艇更加有蜘蛛網, 非常嘔心, 然後呀sir教練簡單咁教我地點玩獨木舟, 跟著就逐個逐個試坐艇, 當到我試個艇時唔駛上番岸, 個呀sir即刻放我出海, 成為第一個被放出海既人, 然之後其他隊員都陸續上艇然後放出海, 我地要由東心淇撐到去灣仔半島, 航程非常之長, 所以我開始撐前有諗過會不幸地翻艇, 但經過約一個半鐘既航程, 全程都要自己落力咁撐, 又靠唔到人, 撐到隻手非常之累....到達終點落艇, 感到d頭痛, 隻手又超痛, 但開心在我第一次撐獨木舟可以非常之順利, 幾辛苦都值得既, 但當我行去灣仔某一個營地時, 其實有落淚過想番屋企, 因為今日(11/4)既「跑」山同第一次撐咁耐既獨木舟真係足以令我囡底, 辛苦到想死, 但係我知道既然黎左呢個camp, 就要遇左會咁辛苦, 就要一定完成任務去, 可能我預計唔到會咁辛苦先會咁者, 人地可以崖到我點解唔得呢? 所以我後尾都無落淚, 話知我死, 都要死去完成任務去..

行到去灣仔西貢郊野公園既某個營地自己整lunch, 食左包麵同沖左杯朱古力飲品就算, 之後就成team環繞灣仔搵check point, 我地比份地圖呃左, 第3個point如果無呀sir提點我諗我地都搵唔到, 因為過左頭, 之後都好順利咁搵哂, 接著去某一個營地既其中一個亭休息講下feedback, 磨左陣時間就開始由灣仔行番番去青年旅舍, 期間呀sir教左我地好多點樣睇地圖同有關山旅知識, 今次就無咁辛苦, 因為大部分時間都係落山, 行落到去海下既村落, 再經公路行番旅舍。番到去都有6點幾, 期間跟左d miss學用竹枝吉雞, 等左好耐先等到另一組番黎, 睇佢地咁既樣同聽佢地講都覺得佢地team辛苦好多, 所以真係辛苦哂

然後我就即刻沖涼, 對腳同對行山鞋真係濕到就黎唔要得, 沖完就BBQ, 呀sir話係「野宴」, 我係咁燒紅腸黎食, 食燒雞呀排骨呀, 魚呀個D黎食, d蜜瓜非常之甜, 幾ENJOY, 燒完幫手洗番D器皿, 就番番入房訓

5月12日星期一, 佛誕, 執哂D行李去CANTEEN食粥, 跟著集隊, 分3組分頭清潔營舍, 我地組去掃出面既地方包括燒烤場, 然後係CANTEEN開臨走前既會議檢討, 石sir講左呢3日兩夜做左d咩同感想, 佢今次又話我「沈思」, 死都話我其實諗到好多野但不發表, 唉..佢地up完一大輪就出左去出門等走, 應該大約12點就走人喇, 我地行去海下既7號小巴終點站(即迴旋處)等小巴番番去西貢碼頭, 等人齊再搭番299去沙田, 就解散, 我無跟你地同miss fung成野, 因為我要去深圳, 解散後自己去左新城市廣場間美心快餐食野, 之後東鐵線去上水站搵老豆呀媽呀妹, 再一齊搭去羅湖過關, 幾小人過關, 過關後就去羅湖商業城行左陣, 係某一間茶樓食d野, 同老豆呀媽講左d 係camp做左d咩, 食完周圍行, 發覺差唔多每間鋪既門口都會有人企左係度黎招待我地, 佢地通常會咁樣講
「呀姐買唔買手袋呀」
「買唔買袋呀呀姐」
「有靚3喎靚女」
「係咪修甲呀呀姐,, 40蚊左喎」(唔知係咪40蚊)
後尾去左間鋪, 呀媽買左個 「AA貨」手袋, 好記得個 sale屎 話D袋「好A架」-V-
買完就坐深圳地鐵去東門搵姑姐姑丈, 係附近間唔知乜鬼商場行街, 老豆同我買左D A貨T-shirt同波鞋, 行完就坐地鐵去福田約左呀[女麻]呀爺同姑丈個邊既呀[女麻]呀爺食飯, 一路食1路煲銀樓金粉, 食完就第一次經福田口岸過關, 坐落馬洲支線番屋企lu......

總括今次既camp, 如果同上年個CAMP比, 我都係覺得上年個好玩d, 唔係因為上年去d人好多都係我識所以好玩d, 唔係因為上年馬鞍山個突破營度環境較好而好玩, 係因為上年既訓練活動總括係好玩過今次, 好似抬Ryan, 上山開營過夜同玩, 係山度吹風寫野, 夜晚有空餘時間玩遊戲等等都好好玩, 今年個真係非常之辛苦, 其實好似上年咁既CAMP我覺得已經好好, 不過, 係今次既CAMP好在係識多左F.3既人同知道自己既能力去到邊, 所以今次個CAMP都有好有唔好啦。我知下年我已經無得去, 更加唔知道再下一年原校升唔升到F.6啦, 不過總結呢兩次CAMP, 我真係學左好多野, 我1定唔會忘記呢兩次既CAMP同今次係CAMP識既F.3同學！