今日同個妹由銅鑼灣站跑去中央圖書館附近
因為呀妹要學野趕時間
跑到上銅鑼灣一條天橋
地上佈滿哂印傭
佢地差唔多霸佔哂成條橋既通道
我地兩個就要跳下跳下咁走
點知我走走下發覺有D野跌左
我以為跌左把縮骨遮啦
跟著有幾個印傭大聲叫「喂」
一定係叫我啦所以就番番轉頭
其中1個印傭遞左部手提電話比我
「你跌左野呀」佢地講
「仲有無野跌左?」我答
無就繼續同個妹衝....

我今日搭巴士去中環
臨落車我發覺地下有個好細粒既microSD卡256MB
我執左上黎遞左比老豆, 跟著已經據為己有-____-


喺CWB
好彩當時我一發覺自己好似有D野唔對路就即刻停低左
雖然, 連自己跌左咩野都唔知就真係好弊既
失而復得先知原來係手機唔係遮
但好彩我都總算有少少警覺性- -
如果知道自己好似跌左野但都唔理
為左要睇住個妹繼續衝就仲弊(我o個一刻有咁諗過)
咁就等於唔見野, 就算我知道左轉頭再攞番已經太遲
好似今日我喺中環搭車既遭遇咁
就算遺失者想番轉頭上車再搵番? 太遲了
難道佢地班印尼妹唔會將我部手機據為己有?
香港可以話係遍地黃金
就算你唔執,下一個都唔會走寶啦
香港人就係咁
不過真係好少好似o個班印尼妹咁好, 起碼會大叫
我部電話同佢部microSD卡唔係錢呀
所以, 我地出街時刻都要保管財物

好多謝o個班印傭

Xanga   since2006-12-01
Qooza   since2005-11-20
Yahoo!  since2006-06-14
Blogger since2009-01-29

有時我真係好貪心, 為左試新野
就搞到而家已經有4個網上BLOG
不過對於BLOG呢樣野就一定唔會貪新忘舊
見到最耐歷史個Qooza而家都仲用緊就知啦

我仲記得我第一次寫BLOG
就係中二既時候受FD影響而用Qooz......

(閱讀全文)

今日, 好開心我個妹可以入到自己心儀中學
睇見佢張派位證, 刻著佢間直屬中學
我地成家人都感到好欣慰
唔駛幫佢撲學校之餘, 佢又可以入到間好學校
知道消息後我只係開心左一陣
回想起五年前既我, 同樣都係面臨升中派位
我張派位證上刻著間係第10志願既嶺南
我收到張派位證後, 呀媽即刻帶我去撲好多間學校
筆試面試失敗，始終都要無奈加入嶺南,
回想起真係仲能夠感受到那時候的痛苦
今年我同呀妹都要經歷學習重要生......

(閱讀全文)