昨日行左勁多路, 又咩咪背囊咁行呢
腳、手、膊頭都好酸痛，兼好夜先番歸。

朝早跟黎sir行山(寶雲道->香港仔)
由合和中心既堅尼地道後門出發
折上寶雲徑上寶雲道公園抖下
抖完就行寶雲道

跟著行左可能係市區最斜既路段
行到上司徒拔道、山頂道同甘道交界有個公園
多謝黎sir請左杯甜筒我地食

然之後就正式開始行山-_-
行金夫人馳馬徑

行左陣就到香港仔上水塘

過左上水塘就到南區
繼續行就到香港仔下水塘

比上水塘細D
不過現時下水塘多水D
最後就落香港仔水塘道(斜佬黎)
跑斜佬好激-V-, 落香港仔喇
之後黎SIR就帶我地去謝記魚蛋粉食野

好似快餐店, 多人呢, 我地要搭枱
人地要企o係我地食緊野張枱隔離等位
食完拿拿聲出番去, 我地台自己搞掂左條數
唔駛黎sir比lu=)
搞掂哂條數黎sir就帶我地出去搭小巴番灣仔
春園街落車, 行去修頓球場就解散

我就有下半場 , 去灣仔站搭去九龍塘站搭火車
o係車廂入面會合呀媽, 上深圳-_-''
再搭深圳地鐵去東門行街
無乜特別野, 好悶, 全程o係度行
我隻腳已經好攰
到夜晚走去腳底按摩, 按埋膊頭
之前比人按腳都唔痛
今次按呢..就乜都痛
按摩師按一按腳底同小腿就要嗌救命
按完又真係幾舒服
我而家先知道按摩既用途同痛苦
所以今日真係行得多喇
按完已經係夜晚10點
去附近食野之後就坐番地鐵番香港
好僥倖坐到深圳地鐵昨晚最後一班車
過關搭火車去紅磡再轉118番歸
眼訓到爆, 差D坐過龍
番到HOME已經係凌晨1點,

今日有D唔開心架
測試掌上壓朱SIR話我唔標準就扣次數
打乒乓波又連輸兩鋪(至弊對手都係廢的)
另外N年前作o個篇論說文, f.6 既人改左之後話我離題><
我真係唔知自己想點

以下呢兩張伸部機出窗影的

為今日LUNCH班際籃球打氣!......

(閱讀全文)

今日週會上台攞的, 咸豐年代既事終於有證書-__-
今日亦都係最後一次週會(希望唔係最後一次啦)
最後一次週會有機會上台, 我唔會忘記的=)
又睇左好多班相同畢業相, 04-05年度我地中一時班相都有
好回味, 呢次週會真係好難忘
我地中五四班班主任都有名言警句勉勵我地
信班望班真班既班主任都寫得唔短
唯獨我地班個班主任只係贈我地班以下四隻字-__-

後尾週會後施sir就寫左以上呢4隻......

(閱讀全文)