DAY6
朝早試左o係杏仁街市買5蚊既炒麵番上班房食
雖然唔係好好食, 但都幾抵
晨讀同地理堂落左去影班相同級相
影級相真係正如電鑽話齋, 創舉- -
o係操場畫左個嶺南校徽比我地成級人企入去影(甩哂色)
我企左o係差唔多最前o個個位@@
哂好之後呢度就會滿哂人
影完級相等影班相
我地班係最遲一班
我地班d人係咁傾班相搞笑版做乜野動作
施sir成日都行埋黎我地班, 睇死佢好想同我地班影架喇
正經版班相有佢份囉..
原來我o係呢班男同學中數一數二矮o個個-___-
第一個搞笑版動作我伸左條脷出黎,
學人整呢d樣整得我咁樣衰....
跟著另一張搞笑相係成班人用拳頭手向著羅sir
呢張我笑得實好樣衰....我覺得哂左相之後呢張會幾好
影哂相本來要上番班房上數學啦
點知jimmy開房門鎖時
可以開到條鎖匙斷左一半
結果無門口入, 羅sir奉旨我地去mmlc, 成個數學堂都無埋
成個數學堂咁就比我地成為左上網時間
人人有網上, 得我用o個部電腦上網速度勁慢
我打google個網, 到臨落堂先上得到, 痴孖根
好彩電話有帶埋耳機, 唯有聽收音機= =
跟著睇youtube既印度F4, 我都係睇隔離部電腦
雖然我無得聽聲, 但就咁睇D字幕同D人已經笑爆嘴XD
(其中兩個)
http://hk.youtube.com/watch?v=wjz2c7YKEg0
http://hk.youtube.com/watch?v=j8fd80cKGoM&feature=related
小息可以上番班房, o個陣時個鎖頌整緊
之後o個兩堂經濟, 兩堂都教書, 一路癱o係檯一路聽
到第二堂多D就教哂, 就叫我地做HW等落堂
中文堂落hall討論, 無乜野
lunch後兩堂英文作長文!!
岩岩用哂兩堂時間作哂, 唉...
臨末段寫d野都亂黎, 死得
放學行到地鐵站, 先醒起要帶地理書番去溫
行番課室再拎番, 中史o個d測緊驗
我拎完就走, 落落下樓梯醒起又有影唔記得拎
再上番班房拎, 方sir o係度架...「囉」爆 -______-'
|
