突然間,覺得自己好霸道,好多野自己做就得,人地做就唔得,……

 越諗就覺得越衰,我知人地就我唔係一定要就,佢就我都係因為佢對我好,呢樣野我係知,其實好多時我講既野都係想激下人…玩下…我唔係真係會咁做(大多數時候) ,我真係好怕人黑面,唔講野,唉……都唔知,我都知有時係玩得好過份,又或者係唔覺意既時候講左一d hurt人既說話,但係我一定唔會係有心,其實我都知我有小小被人”種”壞,….有時做唔到自己想做既野就會…..我會試下唔好成日都係咁

今日可以係下就起身,可以休息一下,本來約左超超2:30…佢話黎唔到,所以2:45…但係佢都遲左,nevermind啦,你上次等左我 40m in.,我一定等反你 40m in.今日等左 10m in…仲有 30m in,之後三個人行mk既新世紀,呢個地方比左好多回憶我,每一次去mk,好多時都會去新世紀,每一次去,感覺都會唔係好同,當然,係有開心同唔開心,但係我知好多野都過左去,人係要展望未來,!!!!

係新世紀既izzue都有個幾鐘,好似一買野成日都會搞好耐,不過今次係有d唔同,就係香腸都有買杉,仲要買左2件,都同佢講過.話如果佢著d靚d既杉可以好得啦,今次呢2件我覺得唔錯,好襯佢,我覺得有鐘意既就買啦,唔好成日都覺得唔好睇,講真,我真係覺得你唔係好似你講到咁唔得,其實如果著d好既杉,都可以好得,唔好成日都咁冇自信,咁樣唔得的!!!而我又買左3件杉…我發覺我好似成屋都係杉…好似同菲菲差唔多啦,我唔可以再貫買啦,一定唔可以…..今次同香腸買左7百幾….好多…又冇$$$啦我